【Monster Hunter World】配樂喚醒狩魂 《英雄の証》原來有含意

撰文:
最後更新日期:

《Monster Hunter World》一推出便風靡全球,每位獵人都趕住升HR,打主線任,同班Friend一齊刷素材整慘爪龍裝。呢個熱潮嘅背後,其實有唔少幕後功臣,其中之一就梗係配樂啦!如果問起Mon Hunt嘅老玩家佢哋記得咩歌,除咗「約齊人Mon Hunt 嚟集會浴所一房等」的《獵人之歌》外,當然仲有「櫈等櫈燈 櫈等燈 燈等櫈」嘅《英雄の証》啦!呢首配樂唔單止係Mon Hunt嘅主題曲咁簡單,更加說得上係Mon Hunt嘅精神所在,每次隻Game正式發售前,只要喺Game Trailer當中聽到呢首歌,潛藏喺大家心中嘅獵人之魂就會覺醒。(唔怪得Mon Hunt啲Game可以咁暢銷)

每次聽到呢首《英雄の証》,除咗燃燒起獵人之魂,仲燃燒起買Game嘅慾望。

呢首《英雄の証》之所以咁成功、咁有代表性,除咗每一代都有一個唔同嘅版本之外,其實成首歌都非常有含意。先同大家簡介一下,《英雄の証》其實係由日本作曲家甲田雅人創作,經歷多代變化,其實也有多位編曲家經手進行新一代改編,當中最為著名的,便是森田一浩,基本上最初代的版本,以及各大音樂會中演奏的版本,也是由他進行編曲。不過數到這麼多版本的《英雄の証》當中,最為有趣應該是由甲田雅人改編的Jazz版本,與原版宏闊的感覺大相徑庭,搖擺而且輕鬆,最啱摸住酒杯底聽。

呢首Jazz版《英雄の証》大家又點睇?

而在最新一集《Monster Hunter World》當中,《英雄の証》又有全新面貌,皆因今次由另一位作曲人康貞蘭操刀,雖然保留了歌曲中最鮮明的部份,但中間B段卻完全改變,敲擊樂更為突出,令部落感更濃,充滿非洲音樂的風格。

喺最新版嘅《Monster Hunter World》當中,《英雄の証》亦有相當大改變,好似聽緊《獅子王》嘅配樂咁。

歌曲有新版其實係好事,不過對忠實玩家嚟講,可能會有少少接受唔到,因為《英雄の証》嘅原版,段落鮮明之餘,原來仲好有意思,歌曲每部份都係表達緊唔同嘅狩獵情境。甚至有啲部份,編曲刻意模仿遊戲中的聲效,例如是被魔物發現時的聲音,令親切感大增。

一路聽Live版嘅《英雄の証》,一路留意下列嘅導讀,你會發現呢首歌嘅編排好有趣

00:00 出發!尋找魔物!

00:38 魔物發現你了!

00:54 與怪物發生激戰!

01:15 跑遍整張地圖尋找魔物!

01:58 你貓車回營地了....

03:09 但是還是不能放棄!拿完補給品再接再厲!

03:54 再次與魔物發生激戰!

04:16 給魔物最後一擊!

04:28 獲勝!領取報酬!



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。