【多圖】楊丞琳紅館騷頭場 孖陳柏宇唱《理智與感情》回憶返晒嚟
撰文：黃浩晉
出版：更新：
楊丞琳昨晚舉行《青春住了誰》紅館個唱頭場，除了唱出多首載滿大家回憶的金曲之外，另一焦點就係有待嫁新娘阿嬌鍾欣潼現身支持；更有陳柏宇現身，相隔10年兩人再合唱《理智與感情》。
相隔5年多再踏紅館舞台，楊丞琳好識做向歌迷話：「我要同你哋講對唔住，要你哋等5年，係咪好耐呀？我今日會盡量講多啲廣東話！」楊丞琳咁識做，fans又點會嬲得落呢？
陳柏宇擔任嘉賓，相隔10年再與楊丞琳合唱《理智與感情》。(黃國立攝)
各位fans等咗楊丞琳同陳柏宇再度合唱幾耐呢！(黃國立攝)
+1
阿嬌昨晚心情靚靚！(黃國立攝)
楊丞琳與陳柏宇10年前推出《理智與感情》，可算是8、90後的集體回憶，但原來當時二人錄音都要分開錄，MV又要分開拍，今次終於同台真係機會難得。難怪楊丞琳話：「當時要分開錄音，MV也是要分開拍，感覺很孤獨！」而且佢無耐之前先知道陳柏宇已為人夫，佢話：「今天Jason發了紅包給我，我覺得很驚訝！原來他去年已經結婚了。」講起利是，原來工作人員俾咗個「紅包袋」楊丞琳，不過佢好體貼向fans話：「你們已經花了很多錢，不需要再給紅包我。」
雖然楊丞琳想錫住fans，不過fans一樣熱情難擋，從相片見到有fans攞定利準備喺握手環節送俾偶像拜個年！
楊丞琳錫住fans話：「你們已經花了很多錢，不需要再給紅包我。」(黃國立攝)
大家有冇數到楊丞琳噚晚換咗幾多套戰衣呢？(黃國立攝)
+2
Fans們趁握手環節派利是俾楊丞琳。(黃國立攝)
睇嚟楊丞琳噚晚滿載而歸喎！（黃國立攝）