G.E.M.撇男友捧Bruno Mars場：佢係我戀人
撰文：陳穎思
出版：更新：
美國流行天王Bruno Mars今晚再度襲港假亞洲博覽會舉行個唱，吸引大批名人捧場，包括鄧紫棋（GEM）、杜德偉夫婦、胡定欣、單立文及胡蓓尉夫婦、周家蔚、王君馨、鍾舒漫（Sherman）與妹妹鍾舒汶、莊思敏、陳逸璇及鄧佩儀等。
攝影：陳穎思
G.E.M.笑稱Bruno Mars是她的戀人，得悉今次個唱大感興奮，一早同公司攞定假睇騷，多得鍾舒漫幫手撲飛，可以成班朋友一齊睇。被問到為何不跟男朋友一起看，G.E.M.就話：「男朋友都好重要。」有指Bruno完騷後會到夜店慶功，問G.E.M.會否去見偶像，她表示：「平日好少去Clubbing，但想去合照集郵，諗緊去唔去。」
G.E.M.話由第一隻碟開始已好迷Bruno Mars。
莊思敏之前幫朋友放飛，被發現是加了價的黃牛飛，她笑言是個誤會：「朋友上網買嘅啲飛，我冇留意佢買貴咗，佢有事睇唔到騷，就幫佢，冇理由蝕，唔好浪費，佢最後送俾朋友睇。」莊思敏強調自己張飛是正價，動用了好多朋友先買到，今次是第二次睇Bruno。
莊思敏（右）話冇留意朋友買咗貴飛。
由於老公洪天明要開工，周家蔚孖朋友睇騷，她表示知道今次好難撲飛：「一個月前有人問我想不想睇，我一口應承，宜家撲飛好煩，有十幾個人問過我有冇飛，今次係第一次睇。」聽日是母親節，家蔚表示老公要開工，昨日已提早與家人食飯慶祝。
周家蔚感嘆好難撲飛。
鍾舒漫（中）與妹妹及王君馨（右）盛裝睇騷。
鄧佩儀俾小朋友集郵。