【唔編唔聽】《深化危機》令鼓手失業? Nice:唔通坐喺度拍手咩

撰文:
最後更新日期:

今集《唔編唔聽》邀請到Dear Jane鼓手Nice,繼續解構Dear Jane《深化危機》的編曲部份。Nice直言:「《深化危機》係Dear Jane咁多歌入面,我度得最簡單嘅一首!」

話雖如此,Nice又怎會容許自己打一個beat就「收工」,每次現場演出都會花心思做出比CD版更豐富的打法,快啲睇下Nice點講啦!

攝影:梁碧玲

一個Beat玩晒成首歌?有冇搞錯!

《深化危機》有別於Dear Jane以往的風格,加入各種電子元素,營造一種Urban、EDM的味道。在一「浸」電子嘢之下,其實Band Instrument(即:結他、鼓、Bass)依舊是主軸,只要大家細心一點就不難發現。

回到鼓的部份,Nice表示《深化危機》是Dear Jane眾多作品中,「度」得最簡單的一首,主要圍繞*「Four on the Floor這個經典Disco舞曲節奏。他笑言:「咁就可以玩晒成首歌㗎喇!有冇搞錯!」身為鼓手又豈能會讓這件事發生呢?所以他出Live會有更豐富的打法,更原汁原味之餘,亦能配合並推動歌曲的氣氛。

*「Four on the Floor」節奏,即每個正拍都踩Bass Drum,是經典的Disco舞曲節奏

「Four on the Floor」節奏示意圖

如片中所示,Nice最初示範一個重覆而平穩的節奏:1、3拍踩Bass Drum(大鼓);2、4拍打Snare(小鼓);配以8分音符的hi-hat。

及後,Nice示範一個較複雜的節奏,在1、3拍Bass Drum,2、4拍Snare的基礎之上,敲擊不同Cymbal(銅鈸)做出16分或32分的節奏,打破重覆單調的感覺,能配合歌曲需要推動氣氛。

Nice表示《深化危機》CD版同Live版嘅鼓好唔同,大家可以留意下。(梁碧玲攝)

今時今日做鼓手要Multitask

Multitask—簡單來說,就是身兼多職。除了一般打工仔被老闆要求「百足咁多爪」之外,當樂手一樣要。

《深化危機》一曲充滿電子元素,為了在Live演出時,呈現出CD版大家聽到Synthesizer(電子合成器)的聲音,就需要用到Program(預錄音效),同時交由鼓手Nice控制。

今時今日做樂手都要Multitask,唔係咁容易㗎。(梁碧玲攝)

Nice解釋:「平時我哋Live,點解你會見到鼓手側邊有電腦又有一大堆器材,就係為咗播Program。明明現場冇人彈電嘢,冇人拉小提琴,但又有呢啲聲,就係靠電腦播出嚟。」

他笑言:「不過我哋會抽走晒入面嘅鼓聲,然後我再打唔同嘅節奏。如果唔係撳個掣播出嚟,我咩都唔使做,唔通真係坐喺度拍手俾反應咩!」

「唔通我淨係坐喺度拍手俾反應咩?」(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。