【太陽計劃2018】梁釗峰歌手路唔易行：創作人「無價」變「冇價」
撰文：吳子生
出版：更新：
梁釗峰、林奕匡、林欣彤、菊梓喬各人化身「超級榮譽太陽使者」出席今日（16日）港台「太陽計劃2018 ── 太陽學堂」暑期活動。釗峰回想起那些年求學時期，曾經都遇過困難，曾一道想放棄學業。「因為當年升唔到原校嗰一刻好沮喪，但始終都要面對，考得唔好就喺唔好，要面對下一次考試，迫自己積極去面對向前行，唔好回頭望，面對每一日嘅挑戰勇往直前。」
梁釗峰談在香港走創作路艱難，有時難免要妥協：「每一個人向目標奮鬥時，都要維持自己生活先！」（吳子生攝）
沈震軒早前在微博上載張照片，分享自己寫作三首歌曲的酬勞，總值港幣7500元，令人驚訝，在香港寫歌原來是「冇價」，釗峰直言：「創作真喺『無價』，但而家咁嘅環境真喺『冇價』，我哋都好珍惜每一個創作，但我哋始終都要生存要食飯，真係要面對一啲關口嘅時候，每一個人向目標奮鬥時，都要維持自己生活先，在於香港地各行各業都喺咁樣，我會透過歌曲去撐住自己繼續行呢條路。」
梁釗峰出席港台「太陽計劃2018」暑期活動，與林欣彤、林奕匡等一同擔任「太陽使者」。（林迅景攝）