JW尖沙咀busking獻唱《矛盾一生》 希望更多公共空間予街頭表演
撰文：黃浩晉
出版：更新：
JW王灝兒今日出席【DBS特約：JW唱住分享 Live More慢活態度】活動，適逢星展銀行今日包船，請市民免費往來中環與尖沙咀，JW與星展香港企業及機構銀行總監張建生亦一同登船，慢活一會。
星展銀行今日包船，請市民免費往來中環與尖沙咀，JW(中）與星展香港企業及機構銀行總監張建生（左）亦一同登船。 (黃國立攝)
+3
落船到尖沙咀後，JW於「busking熱點」碼頭附近busking，獻唱大熱作品《矛盾一生》、《你帶著我的青春離去》、《青春頌》及《Sunday Morning》，引來數十途人圍觀，氣氛熱鬧。
JW接受訪問時，提到今次乘坐小輪勾起以往拍MV的回憶：「上次拍《維多利亞》MV嗰陣我都係坐小輪，來來回回行咗幾次，感覺幾得意，因為平時比較少機會搭小輪。」
JW於尖沙咀busking獻唱《矛盾一生》及《你帶著我的青春離去》等歌曲。 (黃國立攝)
JW曾踏上紅館舞台，以及大大小小的場館都演出過，今次回到街頭busking，她表示喜歡與觀眾近距離見面：「相比喺大舞台演出，Busking嘅感覺好Relax、好Chill，其實自己都好鍾意，因為同觀眾咁近距離接觸嘅機會唔多。」
街頭表演近日成為熱門話題，JW又點睇現時busking的現象？她說：「我諗大家都係想搵個機會表演下，（咁會唔會想多啲質素好啲，準備好嘅表演者？）睇下有冇多啲方法，提供多啲平台、public area俾大家用，咁好難個個都有水準嘅，試下囉，大家又聽下咁囉，哈哈。」
被問到點睇現時街頭表演狀況，JW表示：「好難個個都有水準嘅，試下囉，大家又聽下咁囉，哈哈。」 (黃國立攝)