古天樂透露「出山」唱歌原因 認演繹有難度:望完歌詞眼都凸埋!

撰文:
最後更新日期:

麥浚龍(Juno)即將推出的新碟中,其中一首新歌《(一個男人)一個女人和浴室》找到古天樂「出山」與謝安琪合唱。

眾所周知古仔對於歌唱事業一直不是他的首選,這次答應Juno再開金口,古仔解釋:「我同佢有一日拍完戲去食飯,佢同我講有一首歌想搵我同Kay合唱,佢都同我講哂成個故事背景設定,人物性格,佢話係一部電影嚟,但佢想用一首歌行先,我好快考慮完就答應,雖然唱歌唔係我最有把握嘅事。」爽快答應,但古仔直認重回錄音室有壓力。「我都係去錄音室前一日佢先畀歌詞我,我望完歌詞眼都凸埋,因為冇一句係相同,有難度!」

古天樂重返樂壇 開金口與謝安琪合唱:唔好要我唱Live

古仔指這次再唱歌其實感到相當大壓力。(葉志明攝)

古仔演戲經驗豐富,演什麼類型的戲也沒太大大壓力,但唱歌就太久沒有推出新歌,表示這次對他來說是非常有壓力,幸好用了幾小時就錄完,很順利。被問到聽完自己演唱的新歌有何感受,他竟然這樣答:「真心講,我冇聽過,唔知呢,我怪怪哋,雖然Kay同Juno話首歌出街後反影好好,但冇無聽過。」古仔透露這次錄製這首歌曲因為和Juno是朋友就沒有談到歌酬的事,但是有一個附帶條件才答應:「我同佢講,千祈唔好叫我唱Live。」

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。