新城頒獎禮改制仍需努力？ 減獎之餘唔超時先係重點
撰文：黃浩晉
出版：更新：
《新城勁爆頒獎典禮2018》今日於將軍澳舉行記者會，歌手張敬軒、G.E.M.、吳浩康、鄭欣宜、吳業坤、鍾舒漫、林奕匡、Dear Jane等等，以及一眾新人都有出席。近年新城頒獎禮開始改制，由以往頒發過百個獎項被形容為「分豬肉」，由2016年開始將數量減至約60個。雖然獎項數量減少，但去年頒獎禮時間太長，導致尾聲觀眾席場面冷清。
新城知訊台執行總監程凱欣小姐接受《香港01》訪問時，表示要控制頒獎禮時長，同時滿足唱片公司需要很矛盾。（葉志明攝）
面對以上問題，新城知訊台執行總監程凱欣小姐接受《香港01》訪問，表示流程方面仍需努力，並感到矛盾：「其實好矛盾，因為聽到好多唱片公司嘅聲音，每年得獎歌手都表示上台演唱時想唱full version，所以今年我哋喺rundown度努力緊，睇下點樣可以縮短到少少時間，又滿足到唱片公司需要。」而獎項數量方面依然如去年一樣，維持約60個。
《新城勁爆頒獎禮2018》今日於將軍澳舉行記招，一眾歌手與新人出席撐場。（葉志明攝）
至於獎項甄選方面，會否隨住頒獎禮「改制」而有所改動？程凱欣表示與去年一樣：「基本上同舊年一樣，大前提最重要都係作品質素，加上每星期同事都會開會，討論同投票。另外，會喺某個時段計算airplay(播放率）去決定。」
+4