【鄭秀文演唱會】50歲前最後一騷? Sammi:有信心今次歌迷買到飛

撰文:
最後更新日期:

Sammi鄭秀文為7月的《#FOLLOWMi世界巡迴演唱會香港站》舉行記者會,有加開兩場好消息之餘,亦強調希望樂迷能以正價購得門票。接受《01眾樂迷》訪問時,她表示:「樂迷唔洗太緊張,今年我哋將公開售票嘅額度提高咗,深信大家買飛嘅時候會感受到比以往容易咗。」除了公開購票的門票數量增加,其實Sammi亦特意為歌迷會的成員預留了足夠門票,效果令她相當滿意:「我知道好多歌迷對今次安排都好開心,因為最起碼保證到佢哋睇一場演唱會。但總會有零丁幾個會覺得唔滿意,但可能我都真係冇辦法顧太多。」

Sammi在記者會上表示,今次提高了公開發售的門票額度,有信心歌迷能正價購得。(劉志源攝)

提起早前在網上直播練歌,她表示自己對上一次開騷失聲有一定程度陰影,故此要做好準備:「其實每日練聲係好重要,亦唔可以大嗌大叫,我大概已經練咗一個月,會持續到開騷為止。飲食方面因為我一向都鐘意食生冷嘢、炸嘢、飲凍飲,而家盡量戒清啲。」

因上次演唱會的失聲經驗,Sammi現時已開始每日練聲,以保持狀態。 (劉志源攝)

最近Sammi亦在社交平台上示意自己完成今次演唱會後,可能要到50歲後才再開騷,她笑說:「你哋唔好以為我距離50歲好遠,其實只係得3年時間左右。其實今次演唱會膽粗粗開13場我已經有啲驚恐,因為怕體力應付唔到。但之後要好近距離再搞演唱會,又要咁多場數,我諗機會比較細,年紀大啦。另外都希望每次搞騷可以多啲新鮮感,如果搞得太密可能都唔會咁好睇。」

Sammi更透露,完成今次演唱會後,下次再舉行可能是50歲後。(劉志源攝)

下載《香港01》App,打開App首頁,撳「+」選取「01眾樂迷」做你嘅「已選頻道」,每日都睇盡【01眾樂迷】精彩內容啦!

即睇 【 01眾樂迷專屬頻道



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。