邊個話香港樂壇已死?盤點10大本地唱作歌手 證青黃不接只係亂噏

最後更新日期:

成日都聽到人講:「香港樂壇已死。」做咩咁絕望喎!DailyView今次就用大數據帶你哋睇下香港嘅音樂才子才女,佢地唔單止作俾自己唱,仲要作埋俾其他歌手唱𠻹呀!即刻去聽下佢地嘅作品先!

DV小教室:香港網路大數據觀測咗近萬個網站頻道(而且不斷增加ing),包括港澳地區的新聞頻道、FB、IG同埋各大討論區、Blog......透過強大嘅網文爬梳觀測,攞到巨大嘅資料樣本數,拎到上億嘅文章及留言訊息,以人工智慧的語意程式做分析。

即睇10大本地唱作歌手排行榜▼

+6
+5
+4

六、藍奕邦真係佢真名嚟!

唔好以為藍奕邦只係個藝名,其實佢一出世就係呢個名㗎啦!藍奕邦由2001年開始就有寫歌俾其他歌手,冇佢嘅貢獻香港樂壇都真係失色不少!例如容祖兒嘅《舊日回憶的山丘》、許志安嘅《豬先生》、鄭欣宜嘅《女神》都係藍奕邦嘅作品嚟㗎!

五、快樂過生活嘅林奕匡

「你快樂過生活,我拼命去生存」,呢首歌基本上人人都識唱,憑住《高山低谷》出名嘅林奕匡雖然2007年先出道,但係佢嘅作品都好高質素㗎!唔好以為佢只寫俾自己唱呀,周柏豪嘅《還記得》、陳柏宇嘅《別來無恙》、《霸氣情歌》都係出自林奕匡嘅手筆,就連2018年JW黃灝兒嘅《維多利亞》都係由佢寫曲㗎!

四、唔講以為同麥當勞有親嘅Aga江海迦

點解我咁講?你有邊次去麥記唔會聽到Aga啲歌㗎?不過Aga人靚聲甜,基本上首首歌都大紫大紅。其實喺佢未成名前,薛凱琪嘅《Better me》就係Aga作曲㗎啦!仲有連詩雅Shiga嘅《好好過》都係佢作曲㗎~講近期嘅話,張敬軒最新嘅歌《空手而來》都係Aga作曲,新歌一出冇耐就已經大受好評!

三、方大同係香港人嚟㗎!

好多人都以為方大同係台灣人,NO!方大同係美籍華人,之後定居咗喺香港㗎啦~方大同被稱為R&B音樂才子,寫歌有自己style之餘唱歌又好聽!佢寫俾其他歌手嘅歌真係多到數唔晒!例如陳奕迅嘅《孤獨患者》、容祖兒嘅《牆紙》、寫得最多嘅當然係佢嘅「緋聞女友」薛凱琪啦!例如《糖不甩》、《告別我》都係方大同操刀㗎!

二、周國賢都寫過好多歌㗎!

喺香港好似好多人都聽過周國賢,但實際上就對佢冇咩印象,甚至呢一代小朋友都唔知道佢係邊位,可能剩係聽過佢首《地下街》,又或者係《目黑》。其實周國賢都有幫好多歌手寫歌㗎,其中一首係基本上90後都一定識唱嘅歌,就係周柏豪嘅《夠鐘》啦!原來呢首咁好聽嘅歌係周國賢作曲同編曲㗎!陳奕迅嘅《四季》同何韻詩嘅《是有種人》佢都有份創作㗎!

邊個話華語樂壇已死?(DailyView網路溫度計)

分析說明:本研究資料分析時間範圍為2018年05月17日至2019年05月18日,共一年。網路大數據系統觀測港澳地區上萬個網站頻道,包括新聞頻道、Facebook、Instagram、Twitter及各大討論區、部落格等,針對討論『港台唱作歌手 』相關文本進行分析,並根據網友就該議題之討論,作為本分析依據。本文分析之結果,非參考投票、民調、網路問卷等資料,名次僅代表網路討論聲量大小,不代表網友正負評價。

延伸閱讀:

去一次就討厭的城市?又髒又亂態度差 網友一面倒選亞洲的「它」

影/這4種人搭飛機 免費「被升等」商務艙

回「喔」根本想被打!聊天4大禁忌語…敢傳就等著被討厭

【本文由「DailyView 網路溫度計」授權轉載,研究資料由「KEYPO大數據關鍵引擎」提供。】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。