【容祖兒演唱會】邀請頭場觀眾下星期睇多次:我哋不見不散!

撰文:
最後更新日期:

容祖兒首場《容祖兒Pretty Crazy演唱會2019》雖然阻礙重重,不少舞台效果亦因機器故障而未能呈現,不過氣氛加好歌搭夠,怎也挽回不少分數。最後容祖兒更展現天后風範,承諾在場歌迷可憑票尾在8月12號晚再睇一場,享受一個完整的《容祖兒Pretty Crazy演唱會》。

溫馨提示,頭場觀眾記得唔好掉飛尾,12號再入場睇!(陳順禎攝)

在舞台緊急整修期間,Joey站上「球狀飛碟」吊上半空,與山頂樂迷近距離接觸,更即席邀請觀眾合唱《世上只有》,並唱出《這分鐘更愛你》、《我的驕傲》。

雖然舞台故障,不過還有「飛碟」把Joey吊到半空。(陳順禎攝)

+11
+10
+9

大合唱環節完結,Joey再次著地,這時舞台也還原了不少,只是機關還未能使用。不過Joey請出的嘉賓,即使齋聽亦已足夠,因為他便是歌神張學友。合唱出《這麼近那麼遠》,男女版本終於在這晚聚頭,學友表示:「多謝祖兒翻唱我呢首歌,因為呢首歌其實係我寫嘅,所以近幾年都收到唔少版稅。」Joey亦笑言:「搵到學友哥哥做我演唱會嘉賓,係我呢20年嚟最好嘅花紅!」

學友大讚Joey!(陳順禎攝)

+5
+4
+3

Joey更獲學友點燈:「佢係我相當佩服嘅後一代歌手,喺現今樂壇裡面,佢具備晒最好歌手嘅條件,對唱歌有熱誠、謙虛、努力、會挑剔自己又敢挑戰自己,我睇佢訪問先知。」最後更合唱出《真情流露》。

臨近演唱會尾聲,Joey又一口氣唱出《破相》、《最後的茱麗葉》等作品,更特意選唱了一首《華麗邂逅》送給逝世一周年的盧凱彤。最後唱出《心淡》作結前,她又說:「今次舞台設計遠比以往所有演唱會複雜,時間唔夠嘅關係,第一晚出現咗啲我好唔想見到嘅事情。不過感激大家坐足全晚陪我做full dress rehearsal,見你哋咁有義氣,我頭先喺台下做咗一個決定。下星期一,8月12號本來我係放假嘅,但在場觀眾攞住今晚演唱會飛,我邀請大家再一次嚟到紅館,記住唔好掉咗張飛,我哋喺度不見不散!」
 

Joey嘅決定令全場觀眾尖叫!(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。