【聲夢傳奇】胡鴻鈞想同參賽者一齊訓練 唔怕擅自闖入被趕走

撰文:劉傳謙
出版:更新:

無綫(TVB)全新音樂選秀比賽《聲夢傳奇》今日(13/7)開始全球招募,尋找30歲以下具歌唱潛質的年輕人參加。參加《超級巨聲2》後出道的胡鴻鈞(Hubert)坦言十分羨慕參加者能出國培訓,更在台下與老闆密密傾,爭取旁聽機會。

Hubert直言渴望隨《聲夢傳奇》參加者一同訓練。(陳順禎攝)

Hubert在台下才得知,每位參賽者入圍後會接受近200萬的歌唱、舞蹈等專業培訓,更不排除會安排出國訓練。Hubert直言十分羨慕,又指:「我即刻同老闆竊竊私語『我可唔可以都參加呢啲訓練呢?我可以sit堂㗎!』(老闆點回應?)佢淨係話『哈哈哈,係咪呀!』」

Hubert對自己能順利「sit堂」相當有信心。(陳順禎攝)

不過在新冠肺炎疫情再爆發下,最後參賽者或只能留港接受專人培訓。Hubert相信:「就算出唔到國都好,喺香港都有好多老師同埋訓練可以安排。如果我到時擅自闖入,應該都唔會俾人趕走嘅。(咁有信心?)呃,希望啦!」Hubert透露自己在7月尾將再次推出非劇集歌曲,又希望今年出歌方面可以雙線發展,同時兼顧劇集及非劇集歌。