【高清多圖】陳柏宇開騷女友冇影 Leanne:我都買唔到飛

撰文:
最後更新日期:

隱世歌手終於開騷! (符祥定攝)

「隱世歌手」陳柏宇(Jason)假九展舉行一連三場《Jason Chan The Players Live In Hong Kong 2016》,入行十年,Jason的歌真的首首經典,由出道歌《固執》,《尊嚴》,《斷絕來往》,《永久保存》,到後來令他突然爆紅的《你瞞我瞞》等,首首都是金曲精選。雖然尾場會在viuTV網上獨家直播,不過先睹為快當然是最好,睇現場始終係高質啲嘅!不過今日卻離奇不見Jason未婚妻Leanne Fu(符曉薇)的蹤影,原來是全場爆滿得撲不到飛,惟有明天才能入場!

Jason開騷又點少得一系列的「陳柏宇式情歌」。(符祥定攝)

唱了幾首歌,Jason就歡迎大家支持自己的十週年演唱會,笑言會載歌載舞,「甩少少就一定會㗎喇,唔甩點叫Live。」(符祥定攝)

甫開場,Jason將舞台變身成舊式歌舞廳,有如百老匯式歌劇般輕快地唱出《上集大結局》,《車匙》,《永久保存》。接着又換上一系列「陳柏宇式情歌」,《一字一淚》、《尊嚴》、《萬中無一》等,唱畢後,Jason笑言要大家留意一下附近的朋友有沒有睡着了:「一連幾首慢歌其實好冧冧豬嘅,但都有催眠作用,以我所知有啲朋友會用嚟當催眠曲。」

慢歌結束後就是快歌時段,Jason笑說:「一般演唱會有升降台、轉盤,我哋冇咁貴重嘅機關,我哋有隱藏機關,就係自動換衫器!」舞蹈員隨即出場,即場幫Jason的西裝外套換上型仔皮褸。Jason一連跳唱兩首快歌《夭心夭肺》、《我愛你夠貴》。大銀幕亦播出「The End」,為演唱會完美落幕...慢着!唱半場就完騷!?

原來是「上集大結局」,咁下集呢?Jason站在舞台裝置頂上再次出現,並唱出《固執》,台上亦出現一對男女演員,上演一套愛情劇,小情侶相愛後,又面對分手的關口,Jason則在旁唱出《回眸一笑》和《親愛的仇人》。第二部分完結後,Jason突然出現在台下,與歌迷邊握手邊唱《I Miss You》和《動物農莊》,在觀眾席行了一圈後,Jason回到台上,笑言有些歌在演唱會是必唱的:「喺香港我好少會唱,喺內地會唱得比較多,(喺香港)唱得多大家會唔希罕。」現場隨即奏起Jason的首本名曲《你瞞我瞞》,又唱出《別來無恙》,Jason直言:「依家好多題材想發表,以前成日唱啲生離死別嘅歌,今日終於可以唱一啲有意義嘅歌。」並唱出《乜青》和《I Wanna Fly》。

《你瞞我瞞》在內地是Jason必唱的歌,但在香港就好少唱:「唱得多大家會唔希罕。」(符祥定攝)

到演唱會尾段,平日都唱情歌的Jason講到,其實自己好喜歡大愛的感覺,好喜歡無私奉獻自己的感覺:「想喺歌表達無私感情,唔係着重自己得與失,你唔畀自己唔緊要,隔籬嗰個畀你,一個傳一個咪全世界都有囉。」他又笑言自己開騷有好多不想唱的歌,亦有好想唱的歌,譬如《醫生的悲哀》,他表示一直都好鍾意這首歌,不過種種因素所以沒有派台:「啲人話呢啲叫滄海遺珠喎。」最後,Jason以一首《逸後》結束演唱會。

Jason在舞台上邊唱邊上演舞台劇。(符祥定攝)

陳柏宇唱到走下台繼續唱。(符祥定攝)

最後,Jason以《逸後》,完結演唱會。(符祥定攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。