聲夢傳奇︱14歲姚焯菲認睇廣告有見過姜濤大名:唔係好知佢係邊個

撰文:劉傳謙
出版:更新:

歌唱真人騷《聲夢傳奇》參賽者之一,年僅14歲的姚焯菲(Chantel),今日(16/4)現身電視城參與排練。她在第一集一度跌入淘汰區,期間更在鏡頭前爆喊,她指當時在房內感到孤獨,亦因表現不佳情緒低落:「啲工作人員不停問我問題,其實我已經唔係好想答佢哋,不過之後都有講返嗰陣嘅感受,係好唔開心。(最後唔使淘汰會放鬆啲?)我喊得仲勁,係咁叫佢唔好走,因為我覺得最後佢有機會要走,唔知戥自己開心好,定係戥佢唔開心好。」

Chantel與另外7名學員參與排練,主理人李克勤及導師周柏豪、衛蘭、JW王灝兒亦在場。(葉志明攝)
Chantel憶述上集由潘靜文取代自己跌入淘汰區,指自己反而喊得更厲害。(葉志明攝)

錄影期間,父母又如何安慰Chantel?她指父母認為自己最緊要全力以赴:「佢哋話過咗去嘅嘢唔會改變到,唯有下次加把勁。但係播緊嘅時候佢哋笑我,話『死啦,喊到成個豬頭咁!』」談到觀眾對自己表現評價不一,Chantel解釋評判的確注意到自己演繹時的不足:「因為佢哋喺現場聽,唔知觀眾聽起嚟係咪會唔同。評判戴住耳機,現場聽可以聽得仔細啲,知道邊啲位有瑕疵。」

Chantel指父母在錄影後有安慰自己,不過在節目播出時就取笑自己。Chantel坦言,自己未聽過《全民造星》和MIRROR。(葉志明攝)

自從節目播出後,不少觀眾都會將《聲夢傳奇》與ViuTV《全民造星》比較,不過Chantel坦言自己未有收看,因此無法比較,對MIRROR王牌成員姜濤認識不深:「有聽過,但係唔太清楚,會喺廣告見到佢,個名寫住姜濤,但係我唔係好知道佢係邊個,冇乜聽過。(身邊朋友會追捧姜濤?)都冇,因為我哋都係聽英文歌居多。」

同場加映:MIRROR現身旺角吸引三百粉絲曝曬支持 迫出馬路三架警車到場戒備

+5
+10
發表評論...