【叱咤】Gin Lee隻身來港曾窮到冇錢交租 終在父母面前爭一口氣
撰文：陳奕熙
出版：更新：
李幸倪(Gin Lee)苦候多年終於在《叱咤樂壇流行榜頒獎典禮2016》奪得「叱咤樂壇歌手銀獎」，她在台下一直默默的等候着DJ說出自己的名字，由叱咤十大，一直等到女歌手獎，直至頒獎銀獎的一刻，終於聽到DJ高呼Gin Lee兩個字，心情就像坐過山車一樣。
於馬來西亞長大的Gin Lee六年前隻身來港發展，為了追尋更大的舞台，即使與前公司完約依然堅持，她更曾經窮到冇錢交租，要投靠朋友生活，但這份固執終令她成功。女兒一直在港努力，做父母當然既欣慰又心痛，Gin Lee首次在叱咤奪獎，父母亦有親自到場見證女兒捱出頭的一刻！
Gin Lee終於首度奪得叱咤獎項。（符祥定攝）
慶功宴上，Gin Lee直言第一次有叱咤獎就是女歌手銀獎是一個很大的鼓勵，而更令人高興的是，她的父母能夠與她一同經歷這一刻：「佢哋可以即時知道，因為佢哋喺現場，我父母喺到，好開心啊，我諗佢哋應該好激動啊，佢哋過嚟同我過聖誕，跟住同我參與每一個頒獎禮，所以我諗佢哋會好開心。」
Gin Lee表示聖誕和除夕都是與家人簡單食飯，離鄉別井已有一段時間，更明白與家人相處的時光有多可貴，每一次父母來港支持她，或者自己回馬國都會特別珍惜：「因為做歌手之後真係好少時間陪佢哋，尤其我得一個人喺香港生活，其實一年都見唔到幾日，所以一喺身邊就會盡量抽時間，公司同事又好好，一聽我父母來港就Mark期畀我放假去玩。」Gin Lee又笑說假期已經用得七七八八，接下來就要辛苦父母陪自己一同工作。」
Gin Lee與父母長年分隔兩地，所以特別珍惜相處的時間。（Instagram圖片）
【叱咤】欣宜奪三獎發圍 憶死亡之吻：其實我好介意【叱咤】藍奕邦台上感激戀人：最黑暗時畀咗好多愛我！【叱咤】陳奕迅忽然現身唱《四季》 連環失準忘詞尷尬笑 【叱咤】吳業坤在噓聲中再奪獎 FB自問︰我是高牆還是雞蛋？