AGA Dear Jane演唱會|Tim親解加碼獻唱選曲原因:本身喺歌單入面

撰文:劉傳謙
出版:更新:

樂隊Dear Jane與AGA(江海迦)聯手,於會展Hall 5BC舉行的《AGA X DEAR JANE:HERE & THERE》昨晚(28/8)順利舉行。他們騷後接受《香港01》訪問時直言未夠喉,Dear Jane主音Tim(黃天翱)解釋:「太耐冇玩Live show,太耐冇喺一個咁大嘅舞台,太耐冇喺現場見到咁多觀眾,呢幾樣嘢再加埋現場嘅氣氛,大家都有啲掛住。」AGA補充指:「呢種場地、規模嘅演唱會,我依家會非常珍惜,以前可能係一年做好多個show,令到今次嘅感覺好唔同,大家喺個台上面都有啲沉澱,有啲改變。更加有意義嘅係自己做音樂,可以同大家分享音樂,度過好開心嘅一晚,我覺得呢3年好多人都好需要。」

AGA和Dear Jane都指未過足癮。(葉志明攝)

AGA Dear Jane演唱會|輪番首唱新歌 Tim與愛女拖手仔勁Sweet

AGA Dear Jane演唱會|開場唱《銀河修理員》 楊洛婷舉牌撐老公

談到Dear Jane和AGA最後一刻決定加碼獻唱《哪裡只得我共你》報答歌迷,Tim直言事前從來沒有這個安排,大家都要臨時在台上商量。不過他們也傾向唱一些當晚未唱過的曲目,而最後選擇《哪裡只得我共你》,原來與整個演唱會的構思有關:「其實呢首歌本身都喺歌單入面,但係改過幾次之後就決定剔除咗佢,但係呢首歌都好襯今晚嘅主題,大家隔離咗一個好遠嘅地方,而呢首歌都可以話係用嚟聯繫返大家,令呢首歌變得更加有意思。」AGA也直言當晚一時間反應不及,有種要重新適應觀眾熱情的感覺。

完全冇諗過要再來一段Encore,Dear Jane同AGA都傾咗好耐。(葉志明攝)
+1

AGA稱讚演唱會導演細榮的心思,覺得主題與自己生活中遇到的事非常貼切:「好多人都係分隔異地,例如我同屋企人都有成年冇見。過去我所有嘅演唱會同巡迴演出,佢哋都會喺度,但係依家就冇得嚟睇,確實係有啲可惜,但係媽媽今朝都會同我講good show,叫我飲雪梨蘋果湯。呢樣嘢好似導演想帶出嘅概念,距離好似好遠,但係大家嘅心係好近。」至於他們在台上形容彼此彷彿活在兩個世界,Tim解釋每個人都有自己的世界,但在台上就透過音樂互相陪伴,漸漸建立出一種連繫。

+31

談起下個月Dear Jane將進軍紅館舉行演唱會,四子認為今次正好讓他們熱身,Tim續指:「去到紅館,當然係要唱多兩、三倍嘅歌,但係喺練緊呢個show嘅同時,其實都一路當係練紅館唱嘅歌去綵排。依家呢個show終於完成,我哋其實唞一日就要繼續練,因為仲有一個禮拜我哋就要入綵排室,所以,唔好畀佢停!」被問到會否邀請AGA擔任嘉賓,AGA直言非常期待再續前緣,低音結他手Jackal(伍漢邦)也非常歡迎:「我哋頭先只係試下邀請AGA嚟睇,但係佢提議不如一齊玩,其實我哋係超級願意,好想!」

唔知下個月Dear Jane嘅紅館騷,會唔會見到AGA呢?(葉志明攝)
你可能感興趣