譚嘉儀去睇北極光有豔遇 何雁詩情人節約陳瀅勁灰:緊係唔開心啦

撰文:
最後更新日期:

何雁詩(Stephanie),譚嘉儀(Kayee)及鄭俊弘(Fred)為TVB新節目《這個冬天不太冷》宣傳,在節目中3人遠赴世界最北國度-美國阿拉斯加州拍攝,乘坐七個鐘頭車去荒蕪小屋欣賞極光,Stephanie更笑言雖然有遇到熊的危險,但Kayee完全唔識驚,自以為可以跑得快過熊,3人在旅程中親身目擊冰川融化,感觸要更關注環保。

3人今日着到去北極咁嘅Look。(梁碧玲攝)

講到今次的北極之旅可有豔遇?Stephanie自言在飛機上主動同一個美國男仔傾偈:「我一開始都唔記得自己同佢交換咗聯絡,係一排之後,見到有個的First name嘅男仔搵我,我先記起。」不過Stephanie就話只是做朋友和宣傳節目,現階段不考慮和外藉男發展。

Stephanie和Kayee都自爆有豔遇。(梁碧玲攝)

Kayee的「豔遇」就更加驚險,話說Kayee其中一程飛機被兩個300磅的靚仔左右護法,而兩個靚仔上機後就進入了深眠狀態:「每隔4-5秒就有聲響,但唔係鼻寒嚟,我期間想去廁所,Fred喺隔離一行走廊位,佢好好咁伸咗腳出嚟,我就跨過個男人,再踩落Fred再着地,去完廁所相同路線回去,點知靚仔醒咗,一擘大眼,我個臀部就對正佢塊面,好接近。」

Staphanie爆料話巴士司機臨走亦了送鎖匙扣給Kayee,不過鎖匙扣不是重點,重點是司機話:「This is the key of my heart.」(梁碧玲攝)

談到仍是單身的幾位情人節怎樣過?Stephanie即時冇晒生氣話會和Kayee,陳瀅等一班女仔過,Kayee聽言就問:「好似好唔開心咁喎。」Stephanie即笑說:「緊係唔開心啦,對咗成幾個禮拜喺阿拉斯加,仲要對住啊?」3人又講到今次的單身派對是吳業坤提議要搞,但約親的男仔都已婚,或者有伴侶,咦,咁似乎係坤哥籍機會識女仔多啲喎。

情人節就將會有坤哥舉辦的單身派對。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。