新城2021|炎明熹抱恙缺席 姚焯菲感不捨:噚晚睇唔出佢唔舒服

撰文:劉傳謙
出版:更新:

姚焯菲(Chantel)今日(12/12)現身紅磡,出席新城舉辦的《新人大熱唱2021》,並獻唱《原來談戀愛是這麼一回事》。 不過好友炎明熹(Gigi)卻因病缺席,Chantel在表演前接受《香港01》訪問時,直言感到可惜:「我唔知道佢有咩病,但係我知道佢有少少唔舒服,所以今日就冇出席。我有啲掛住佢,因為噚晚先見完佢,但係今日佢突然間嚟唔到,所以有啲唔開心,不過依家應該ok嘅,休息吓就冇事。(噚晚已經唔舒服?)佢冇同我講,因為佢平時都係好靜,我又睇唔出佢有唔舒服。」

Chantel獻唱《原來談戀愛是這麼一回事》。

雖然過去已經出席過不少商演,但Chantel直言今次表演仍有點緊張:「我未試過喺咁多歌手面前唱,平時都係同『聲夢』學員一齊,但係今日有咁多位新人歌手同佢哋嘅粉絲。」在訪問前,Chantel也有欣賞李妍和陳泳伽(Winka)的演出,她大讚二人非常有實力:「佢哋唱嘅實力好穩陣,同埋佢哋都壓到台。」

Chantel不忘與歌迷互動。(周倪瑩攝)

新城2021|樂壇新人齊集紅磡獻唱造勢 炎明熹因病缺席

談起早前翻唱MC(張天賦)的《記憶棉》,Chantel指當時正在學唱歌,課後也有一段空餘時間,老師知道自己曾與MC合照後,便建議翻唱這首歌。原來Chantel不知道MC同樣是今年出道的新人,談到二人會否順應歌迷意願一起合唱,Chantel稱要視乎公司安排:「我唔知自己有冇時間,會唔會有好多工作。(自己想唔想?)真係有呢個機會嘅話,當然好啦,但係要睇時間。」

Chantel希望同MC合唱。(周倪瑩攝)
姚焯菲(Chantel)。(周倪瑩攝)
你可能感興趣