Omicron｜AGA擔心處女紅館個唱告吹爆喊：自己好想做到呢個騷
撰文：劉傳謙
出版：更新：
AGA透露父母特意回港，準備欣賞自己首個紅館演唱會。（梁碧玲攝）
AGA（江海迦）今日（5/1）現身電視城，出席《金曲頒獎典禮2021/2022》記招。她接受《香港01》訪問時認為兩個頒獎禮合二為一是件好事：「由電視台合辦，大家嘅表演都可以喺電視台度睇到，聽到我哋嘅作品。過去兩年頒獎禮都有好多唔同形式出現，無論大家聽唔聽到自己嘅作品，大家都好落力咁做，年尾嘅頒獎禮係一個好好多謝團隊嘅時候，多一個平台、舞台，多一個表演機會，對每一個歌手嚟講都好重要。」
AGA談到紅館演唱會，因為擔心又開唔到，也忍不住淚水。（梁碧玲攝）
最近AGA家人完成隔離，可以共聚天倫之樂，雖然姐姐沒有隨父母來港，但也足以令AGA感到非常高興：「已經有兩年幾冇見屋企人，好似突然間多咗個人照顧自己，呢一排好珍惜同屋企人相處嘅每一刻，我諗所有人都係。」這次父母特意回港，欣賞AGA首個紅館演唱會，但在Omicron病毒肆虐下，本港爆發第五波疫情，本地表演場所需要關閉至1月20日，被問到會否擔心演唱會需要再度延期，AGA在訪問期間落淚：「呢樣嘢自己都會有啲擔心，……因為團隊一路都好努力，自己好想做到呢個騷，過去一年嘅努力，團隊都係……不過都要保持正面，同埋依家仲未有定案，無論今次開到定係之後再開，都會覺得好特別。」
+2