Good Luck｜歌名源自6年前黎明演唱會金句　樂迷即改口唔再嗌加油

黎明（Leon）在今日（4/3）凌晨推出新歌《Good Luck》，希望透過長約1分半的新歌，在艱難時期幫助樂迷放鬆和共勉：「作為音樂從業員的我，我只能嘗試用音樂去為大家帶來一點輕鬆及共勉。大家保護好自己及家人，心靈互相打氣同High Five。Good luck。」

至於黎明一直不向歌迷加油打氣，反而祝他們好運，甚至歌名也以《Good Luck》為名，背後原因可追溯到6年前在中環海濱活動空間舉行的《黎明Leon 30th Anniversary Random Love Songs 4D in Live 2016》。他在頭場曾經談到自己畏高，他憶述當挑戰高空動作時，台下觀眾都會叫加油，就此表達對「加油」二字的新看法：「我嘅人生觀改變咗，我問佢哋可唔可以唔好再叫我加油，『加油』嘅意思即係你坐喺度叫我去死，因為你哋冇郁，得我喺度郁吖嘛！你只係睇騷啫嘛，不如你下次轉一轉，講『Leon，Good Luck！』」至此之後，Leon和歌迷都以「Good Luck」取代「加油」。

睇埋當年金句：重溫5年前黎明演唱會10大金句　「核心內圍」隔空對話冧歌迷