張蔓莎首次上《勁歌》感怯場 幸得師兄林峯傍到實：佢好似哥哥咁
撰文：吳子生
出版：更新：
張蔓莎（Sabrina)今日（19/4）現身電視城出席無綫音樂節目《勁歌金曲》錄影。Sabrina坦言首次上節目《勁歌》心感壓力：「始終都係第一次上嚟，但都會控制住自己要懷住一份輕鬆嘅心情去上呢個台，咁樣應該表現會好啲。不過好彩今次有師兄林峯喺我身邊，佢就好似哥哥咁磅住自己，反而俾到我一種安全感，令我可以好安心咁唱好每一首歌。（同攣生家姐蔓姿擇偶條件是否一樣？）講到擇偶條件大家就唔一樣。家姐就鍾意偏向才華嘅，而我就好跳嘅，哈哈！其實連我自己都唔知。不過最好就有才華同靚仔啦！」
張蔓莎首次上《勁歌》感怯場。（梁碧玲攝）