Gareth T.湯令山承諾同姜濤互做嘉賓 邀Day表演驚女友嬲私下冧返

撰文:邱愛霖
出版:更新:

歌手Gareth T.(湯令山)一連三場九展Star Hall《November Rain 2022》昨晚(20日)尾場,Gareth騷後受訪自認第二場表現最佳,今次操Fit自己令人眼前一亮,Gareth稱不是刻意練大隻,「純粹跑多好多步、打多好多拳,因為我知道做一場演唱會嘥好多力,要做多啲Physical Training。」因要開騷而比平時食得更清淡,如今完騷後最想食漢堡包。

Gareth T.為開騷更努力健身。(梁碧玲 攝)

Gareth尾場照舊抽卡片答問題,一見問題卻臉色一變拒答,Gareth笑說因問題「唔出得街」。女友Moon Tang(鄧凱文)做足三場嘉賓,早前公開指最鍾意Gareth夠矮,Gareth搞笑道:「矮我係接受嘅,但問題係佢都咁矮都話鍾意我矮係咩事?」但問到最鍾意女友哪點,Gareth即指也是鍾意她夠矮。

女友Moon Tang(鄧凱文)做足三場嘉賓。(梁碧玲 攝)

談到邀請COLLAR成員Day(許軼),Gareth承認有些少驚女友嬲,不過Moon出心出力,問如何感謝對方,Gareth稱私下會哄女友多謝,但如何哄是秘密。另外衛蘭衛詩在台上主動獻吻,Gareth稱不是安排,當下心情緊張卻幾開心,「之後可能會將(獻吻)張相轉做我Wallpaper。」

Gareth T.好型。(梁碧玲 攝)

至於姜濤突然因傷無法現身,Gareth稱唯有諗一個特別的方法令姜濤都可參與其中:「尾經留到最後畀大家一個小驚喜。」Gareth又指下次會任彼此的演唱會嘉賓的承諾是真。

姜濤突然因傷無法現身,Gareth當場致電給對方。(梁碧玲 攝)

好兄弟Tyson Yoshi(程浚彥)最近疑似大呻商台未有邀請他到叱咤記者會,投票頁面上頭像又離奇消失,Gareth指不便回應,但睇到新聞覺得幾好笑,「我上網見到個Post都笑咗一笑,話癲喎Tyson哥哥。」

Gareth指睇到Tyson Yoshi新聞覺得好笑。(梁碧玲 攝)
Tyson Yoshi再次擔任嘉賓。(梁碧玲攝)

點撃睇入場欣賞Gareth T.湯令山演唱會觀眾:

+1