孫耀威宣布已同陳美詩美國註冊　返香港教堂行禮：多謝佢不離不棄

早前憑住舊歌《愛的故事(上集)》在TVB的《流行金曲50強》獲得極大關注的孫耀威(Eric)，今日於尖沙咀餐廳宣布加盟星娛樂，更即分享重新出發後的第一首歌《It's My Day》，新歌MV雖然全黑做底，中間又除衫騷肌，又加插和老婆陳美詩(Macy)的相片，閃到不得了。

點解話Macy是老婆呢?因為Eric今日突然宣布和Macy已在美國註冊：「製作首歌過程中，係人生遇過最多古靈精怪嘅唔開心事發生，當中好多人支持我，包括我哋fans，開西裝舖好多傳媒都好錫我，過程中有個人對我不離不棄。過去時間好多傳媒問我係咪結婚，影婚紗相又有人影到，噚日睇相又影到，今日透過依件喜事想公布，喺我大日子入面，透過在場咁多傳媒喺到，小弟日前已在美國註冊，我哋兩個都係基督徒，簽紙係一件事，都會返香港行教堂至禮成。歌送畀樂迷，都送畀我妻子，多謝佢不離不棄，喺我低谷扶持我一把，帶領我。」

Eric又表示和太太暫時未有下一步，但星娛樂就為他準備了一個3層高的結婚蛋糕，蛋糕上擺了Macy的相，Eric見到竟笑言：「好彩唔係紙紮」。Eric又講到希望之後可以抽空着手籌備儀式，可以好似歌詞一樣，一齊慶祝，一齊碰杯開 Party。