【一首歌】官恩娜《So In Love》烈女求愛 「事實多麼想戀愛」
撰文：史順宜
出版：更新：
2000年擔任model而入行的官恩娜，大家又知唔知佢曾經拍過一部叫《I Do戀性世代》的電影呢？當年與戲中男主角黃浩然傳出緋聞，直到2004年才以歌手身份出道，發行其處女大碟《Original》，並加入TVB，成為電視劇女演員。2005年參演TVB劇集《酒店風雲》擔任第二女主角，又與劇中的「賣飛佛」吳卓曦傳出緋聞。同年12月22日推出第二張大碟《Ellacadabra》。當年Ella雖然在音樂上年年有一定產量，但除了出道代表作《地平線》外成績未見突出。2009年Ella以歌手身份參與TVB節目《超級巨聲》錄影，與參賽者林志程合唱出《Endless Love》，引起極大回響，觀眾開始重新注意她的歌聲，自始歌藝得到認同，被網友美譽為「Next Diva」，後於2011年憑著《由他去》奪得其首支三台冠軍歌。
《So In Love》收錄於2013年推出的 EP《Wanna BE》，是官恩娜加盟華納唱片的第一首歌曲，由方大同作曲，C君填詞，班底強勁，亦是Ella第二支奪得三台冠軍歌的作品。一支由頭到尾都充斥著戀愛氣氛的歌曲，加上C君的填詞，令每句歌詞既押韻又好唱。「艱辛/擔心」,「一次/日子」, 「事項/現狀」,「蹤影/憧憬」,「影像/景仰」,「強調我是/強烈女士」，未唱過嘅你不妨去ｋ房try try啦。