【考音功】藝人唔想捱麵包靠登台　知唔知佢地「飲歌」係邊首？

你有沒有想過，點解一些藝人，一年只會見到他在一兩部劇或電影出現，但又可以在娛樂圈生存？其實「登台」真是幫了不少藝人搵食㗎！一個藝人或歌手走紅的時候，真是Job接Job，財源滾滾來，但是能夠上位大紅大紫的藝人又有幾多個呢？所以為了等到出頭天，有藝人為生計會餐餐捱麵包，有藝人會在許可的情況下辛苦一點做多份副業，但當然最好的是希望能夠有一曲傍身，當「無嘢撈」時都可以去登下台。其實要到內地登台跑酒吧Show，名氣有一點點已足夠，只要價錢合理「密食當三番」絕對不是問題。不過有沒有可靠的中介人肯為你鋪橋搭路上內地就是後話了。

講到登台史，當然要問問前輩歌手尹光。1970年開始，就已經不時到海外登台，當中包括美國，加拿大，澳洲，英國，以至新加坡及馬來西亞等地方，他表示賺「人仔」最開心：「以前美加登台最多利是錢，因為係佢哋熱情嘅關係。至於講到「最好賺」就係內地，因為地方近，可以即日來回，但係人哋話北上賺錢好危險，可能係話出唔到尾數，但好彩我有公司幫我接，所以未試過出現此問題。其實我出外登台表演嘅地方多到唔知點數比你知，因我70年代開始每年都去美加，澳洲，英國，新加坡及馬來西亞等地方。雖然舟車勞頓，但最開心嘅係，登台時受到粉絲熱烈掌聲，你自然會好開心，加上因為在海外，所以會感受到就算離鄕別井也可以見到華人那種親切感。」

尹光：冇一首歌傍身邊得㗎！

問到光哥與新歌比較下，是不是始終唱舊歌觀眾比較受落？他謂：「別的歌手我就唔知，我通常唱我嘅歌，《少理阿爸》﹑《荷里活大酒店》等，你登台時揀歌也要看觀眾年齡層而選擇佢哋口味的歌曲。」現在坊間常說演藝圈搵食艱難，不論是歌手演藝人是不是應該要有一曲旁身以便作登台賺錢之用？光哥表示：「你都識講啦搵食艱難呀，冇一首歌傍身邊得㗎！」

除了飲歌，以下歌曲都是大熱作品，包括《勇敢的中國人》﹑《紅日》﹑《朋友》﹑《友情歲月》﹑《喜氣洋洋》﹑《相逄何必曾相識》和《友誼之光》，而四大天王的經典歌都經常出現。

其實每位登台藝人都會有招牌飲歌，你又知唔知他們的飲歌係邊首？(答案在文章底部)

尹光，原名呂明光，香港著名歌手，有廟街歌王之稱。1973年，尹光與當紅女星鍾叮噹合唱《天涯客》一曲而打響名堂，後被帶到荔園及啟德遊樂場登台，就此開始了他在香港的歌唱事業。其歌路與時並進，加入RAPPER風格。歌詞諷刺時弊，道出1960年代至當今廿一世紀小市民的心聲，代表當時的香港本土文化，其中《少理阿爸》以rap的風格，講出家庭問題、濫藥問題、青少年問題。

因為Keep住登台，結果累積不少人氣，你睇，又開騷喇！

答案：

1.葉麗儀是《上海灘》

2.王維德是《熱情的沙漠》

3.陳潔靈是《今晚夜》

4.姜皓文唯一的作品是《巧鬆D》(好兄弟的國語音)

5.Joe Junior是《Here's a heart》

6.家燕姐是《皆大歡喜》

7.鄭少秋是《飲勝》

其實一曲傍身真係好重要，就連演員姜皓文（黑仔），早前曾與藝人張啟樂出新歌《巧鬆D》大唱兄弟情。