【多圖慎入】TVB逼歌手恐怖Cosplay？譚嘉儀扮初音 JW做Cupcake
撰文：許栢倫
出版：更新：
尋晚打開部電視，當你見到電視屏幕鬼五馬六的時候，假若你再三確認過，心知自己沒有選錯台的話，相信你就係看到《2017勁歌金曲優秀選第一回》，他們浮誇的打扮，的確幾嚇人。
雖然話睇頒獎禮唔好太認真，只要當佢係一場騷就得，但你諗都諗唔到，睇完頒獎禮分分鐘會發惡夢。今次大會以Cosplay動漫人物及特別角色造型為主題，出席嘅歌手幾乎都要玩，雖然有幸出席TVB頒獎禮的歌手，來來去去都以「星夢」及「英皇」兩大勢力為主，可是其他細唱片公司的歌手都盡心打扮過，加上大會有專人指導，造型方面都玩得幾盡，JW更讓人一睇難忘...你望下佢條裙先。
JW呢條裙，真係可遇不可求！
其他歌手都好有誠意，你又知唔知佢哋扮緊咩？（圖片內有答案）
+9
整個節目只有接近一小時，又要頒發20首得獎作品，自然非常趕時間，不過首位得獎的就是1988年首次拿優秀選的李克勤，以特別嘉賓出席的克勤，有特別的福利，所以有接近10分鐘的表演時間。克勤笑言自己似小學生，但老實講又唔係好似有Cosplay到。不過望真啲，發現原來佢暗地Cosplay做韓星朴寶劍，事關...自己睇圖。
朴寶劍登上日本雜誌SPUR6月號，與克勤撞衫。
做過主持的克勤非常好口才，當主持之一的譚嘉儀叫佢評價一下各人的衣著時，克勤就好識做咁話：「我年紀大，我驚唔識評價咋，個個都靚啦」仲掌門人上身：「大家畀掌聲佢哋啦！」
歌手的Cosplay似唔似各花入各眼，不過歌手們投票當中，Cosplay大賞就由鍾舒漫奪得，她為了模仿神似，需要擁有一對Bling Bling眼晴，於是整晚都貼著「假眼」，一直只能望地下，總算冇白費！
JW在ig更發放短片，真係好似Cupcake！