【我不怕唱歌】超唱得扮嘢王究竟係邊個?王菀之:完全唔認得!

撰文:
最後更新日期:

王苑之:佢將我隻歌唱得好有希望

C AllStar:佢唱歌係幾有特色

有人話佢把聲夠晒特色,又有人覺得佢扮嘢好叻,到底佢係邊個?

攝影:梁碧玲 許栢倫 彭嘉彬

剪接:許栢倫

場地提供:通利琴行

連《末日》原唱王菀之都估咗好耐,仲尷尷尬尬咁話:「鏡頭影住晒,你叫我點好呀?」相當搞笑

成日話歌手唱歌要有特色,但諷刺地一個歌手扮嘢越叻,似乎越容易出位兼打響名堂。今集《我不怕唱歌》嘅歌手雖然嚟自澳門,但偏偏就喺網上扮人唱歌扮到出晒位。扮JM Tone唱《矛盾一生》又試過,扮魔音唱《Chicken Attack》又試過。不過聽返佢真正把聲你又知唔知佢係邊個?

C AllStar望咗兩眼就認得出佢嘅下巴,似乎佢嘅辨識度都好高喎!

一向在鏡頭面前彷似不顧形象,盡力把自己演繹得誇張,令節目《Sunday扮嘢王》也不禁多次邀請他上去扮嘢兼唱歌。不過他自言:「其實我個人係內向底,不過唱歌嘅關係,會令自己開心咗。呢段時間大家喺唔同平台見到我,會覺得我好似同大家好溝通到,好開心。但其實另一方面我又會不停同自己講『你都係講少句啦』。」呢位內心咁矛盾嘅歌手,就係嚟自澳門嘅彭永琛。

參加東亞唱片舉辦的選秀比賽而入行,琛仔表示自己從沒想過會做歌手:「我讀新聞傳播,本身諗住畢業就喺澳門做DJ或者記者。因為細個比人灌輸嘅概念好似做全職歌手都未必太正經。點知贏咗個比賽,順理成章做咗全職歌手,當下覺得個世界好似好開揚,又唔洗怕返工好似好悶咁。不過做咗全職歌手嘅過程先發現,呢份事業嘅辛苦原來同打其他工又唔同,尤其唔多嘢做嘅時候,你會發現原來成件事可以好虛耗。」

Sean大讚為他伴奏的樂隊「Hey Joe Trio」把《末日》改編得恰恰好。

唔少人話以下照片很有張敬軒的影子,你覺得呢?

回望以澳門作紮根地的藝人,好像前路一般也比較難行,即使是曾經人氣高企的小肥和Soler,也難以把這份人氣維持下去,對此彭永琛亦有另一番見解:「以前我會認為澳門藝人的確需要其他地區的曝光和支持,但慢慢發現其實在任何一個空間,我們也先要準備好自己,尤其在網絡這樣方便的年代,你在適當的時候做一件適當的事,不論身處什麼地區的人也會看到。」

經常遊走香港、澳門及內地演出,彭永琛認為其實網絡才是現時的皇道。

密密網上拍片唱歌,當中除咗改編大熱歌曲之外,為求網友睇得開心,彭永琛亦不忘加插搞笑演出。作為一個歌手,大概不多不少也會有一個偶像包袱,但彭永琛也漸漸看化:「而家最緊要開心,其實都無乜位置可言,首先我唔覺得自己係一個偶像。我的包袱可能是來自執著,當大家見到我很瘋狂拍片玩耍的背後,其實我有很認真的斟酌,而不是隨便企在鏡頭前便把影片拍完。」

看得Sean的搞笑影片太多,回望才發現其實他是一個非常認真的藝人。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。