【估你唔到‧有片】酒樓冷氣平均21度　記者挑機：請問有冇羽絨？

有一晚，記者與友人在沙田某間自稱「皇宮」的酒樓吃晚飯。香港人去得酒樓，都醒目會戴帶定件外套。記者問友人：「你老婆去咗邊？」友人回答：「呢度太凍，佢出去跑幾個圈。」每次請求經理調細冷氣時，他們總是答一句「對唔住呢度係中央冷氣。」就大晒咁。講真，真係唔明點解酒樓知客、侍應一定著長袖西裝褸，行嚟行去做嘢一滴汗都唔出，「係啊，我哋啱啱好，唔覺得熱，又唔覺得凍。」一位酒樓侍應阿姨說。咁就證明啲冷氣有幾凍。

記者到不同酒樓量度室温，平均只有21度左右。街頭訪問街坊，大家公認稻香、美心皇宮、富臨為全行最凍的酒樓。而記者量度所得，冷氣最凍的是稻香，只有20.9度。為了讓酒樓反省一下，記者大膽挑機酒樓阿姨：「唔該，請問你哋有冇羽絨？我好凍！」結果不同酒樓侍應反應不一，沙田川淮居有侍應姐姐敷衍了事：「好吖，你等等。」；稻香可借披肩，可惜披肩實情是一張餐巾，又細又薄又硬，記者寧願披地毯。記者摸一摸侍應姐姐的小手，「你睇我幾凍？」阿姐當下似乎有所領悟，替我加開一壺茶：「呢度係有啲凍，飲多啲熱茶啦！」然而，並非所有酒樓有披肩提供，川淮居就是其一。記者借唔到披肩，你估借咗啲乜返嚟保暖？想知，請睇片！