【餓狼人生1】年跑400萬數 獵頭出書分享奇事:司機要像古天樂

撰文:
最後更新日期:

獵頭(headhunter),替客戶網羅人才、挖角、替打工仔找一份好工,行內人相信一套更偉大的說法,賣的是夢想。獵頭久保:「我哋係人哋人生顧問,真係改變人哋嘅人生。每份工幫佢加百分之十幾。」但剝開糖衣,他們就是雙重間諜,一群靠電話揾食的餓狼。一年背著400萬的跑數人生,為求一張單,不擇手段。

他們的世界,按利益關係將人類分成四等,行內俗稱「4C」Client(客人)、Candidate(應徵者)、Colleague(同事)、Competitor(行家)。一個眼神,15分鐘的交談,機靈的、愚拙的、高學歷與低資歷的人,任何人都可以化成生意的棋子。

久保,畢業後投身獵頭界,入行7年,「我哋嘅人生就係防人。」網上開page盡「呻」獵頭之苦,更將職場所見的光怪陸離,結集成書。

電影《爸不得回家》講述獵頭,就是一群靠電話揾食的餓狼。(電影劇照)

入行第一個任務:找胸肌硬度如medium well牛扒的私人司機

久保入行第一個任務,是要替一位上市公司主席找私人司機。女助理拾起話筒,連珠炮發:「我要請一個古天樂。佢一定要1米85,黑黑實實,大隻有胸肌,同埋要識水電。你見班司機嗰陣時,Check清楚佢哋個胸,如果唔硬,唔好叫我嘥時間去見!」久保當時初入行,經驗尚淺,不懂辨別胸肌的硬度,問:「點check?」女主席教法可謂一絕:「你有冇食過牛扒?Medium Well嗰種硬度嘅胸肌就得喇!你唔識得攞隻手指去篤一篤佢哋㗎?」大海撈針,公司的database幫不上忙,除了登廣告,還得親身落區,到車行、私人司機聚集的地方去找。天公見憐,「古天樂」自投羅網,1位曾受傷的前消防員前來應徵。女助理甫見「古天樂」雙手運氣掌壓其兩塊胸肌試其虛實。

 

CV不是一切

除了私人司機要有古天樂質素,CEO、CFO都要有馬德鐘、梁朝偉那種別具說服力的層次。久保分享,某客戶尋求一位財務總監,「除了一般工作經驗、專業會計、財務資格外,仲要好似梁朝偉咁靚仔、身高一米八、著衫有品味之類。」他解說:「財務總監要要哄人落搭投資,樣衰冇說服力。係啊,做呢行好人靠衣裝。」這個世界比我們想像中更刻薄,更現實。香港人懸樑刺股考來雙學士、碩士、博士,得來幾張沙紙還不及一副標緻的臉,從司機、receptionist、茶水阿姐、售貨員、驗光員、私人助理到總裁都講求靚。久保:「最印象深刻係個客講『其實我覺得佢ok,但我唔會揀佢囉!』點解?『佢星座同我唔夾』。」更有趣的原因有「我唔鍾意佢鼻有痣」、「我唔鍾意佢三白眼」。「有啲仲mean:『我唔想辦公室咁嘅standard。』」

日子有功,久保已訓練自己過目不忘,一份職位空缺,150份應徵CV,「訓練到自己30秒睇一份履歷表。」但原來,多少人揼靚份CV,還是輸給自己的基因。有人為求在獵頭眼下突圍吸睛,附寄泳照。(資料圖片)

日子有功,久保已訓練自己過目不忘,一份職位空缺,150份應徵CV,「訓練到自己30秒睇一份履歷表。」但原來,多少人揼靚份CV,還是輸給自己的基因。有人為求在獵頭眼下突圍吸睛,附寄泳照。

我們是婚姻介紹所

「你當我哋係婚姻介紹所。」即使獵頭手握一疊漂亮的CV,「 好難單畀個profile個客睇佢就會見,通常佢都會問:『你有冇見過佢個樣?靚唔靚?』」不過,他們的世界充滿包裝,多刻薄的說話經他們的口裏吐出來,都是得體動人。客人會問他們是否「presentable」。「佢哋咁講,你就知佢哋想要乜。」曾有經理請私人助理,言詞就較為大膽直接,指女應應徵者「幾靚喎!你問吓佢戀愛status,係咪單身?」經理解釋:「呢個職位要成日飛,又要加班,要陪我出差。佢生仔,我咪企咗喺度?」面對好色的客人,獵頭要糊口既不能站在道德高地,又不能逼良為娼,但總要提醒女應徵者:「你諗諗份工啦,有hard feeling可以唔接。」不過,這個世界有野心的女人多的是,有的回答「我識應對,我學過詠春。」;亦有人會說「我好flexible。」Flexible(靈活)一字,確實惹人遐想,令人回心微笑。有多少女人為前途賣身?久保不假思索回答:「50%,但內地女生較進取。」

久保於今年書展出新書,更詳盡記述每一宗奇人奇事,究竟係邊本書?請點擊下圖:

+2

(資料圖片)

應徵者要求更改面試日期:要學烹飪

要促成一張單,先要揾客,客人願意「畀role(職位空缺)」,找應徵者,會見應徵者,「同佢哋做心理輔導,推畀個客,個客唔見,(勸客人)你試吓見,見咗2、3次...。」花1、2個月「煲」一張單,即使「交配」成功,獵頭要穩袋佣金,要確保新人三個月內不辭職,否則獵頭要免費替客人重新物色人選。久保:「一開始成日甩單,好沮喪。每日都諗辭職。」曾經有一個財務經理上班兩天,無故失縱,原因不外乎「啲同事好膠,老細衰。」亦有Big 4 應徵者接受了一個私人助理的職位,然後要求要有副總裁的職銜。「所以新人返工,我哋都會約佢哋食吓飯,同佢哋做吓心理輔導。」久保說。

大客難應付,應徵者亦如是。有人對獵頭不屑,認為他們只不過是sales。但久保認為做獵頭的難是「sales是單向銷售,我哋要sell兩邊。」久保經常温馨提示Candidate去面試,以防他們人間蒸發。他聽過無數推搪的理由,如愛下廚的中女「我嗰晚要上烹飪班。interview就幾時都得,但煮嘢食今日一定要學。」;「我今日同男朋友鬧交,冇心情。」;「M到,唔想畀人見到我面青口唇白。」;亦有人以相約風水師催旺事業運,要求更改面試日期。

90後要求屋企與公司距離不多於500米

有90後會揚言「唔想逼地鐵,屋企與公司距離不可多於500米。」住中環,炮台山的工不作考慮;80後相對肯捱,較顧家,更常見的說法是「我要問吓老婆先。」;「老婆話都係做返政府工比較好。」;「突然發現老公包二奶,唔想返新工,想維繫婚姻。」當然,亦一些情況是臨門一腳,客人表示還是決定內部升遷,久保:「見咗7 round interview,煲咗個幾月,」最後還是甩單。

一群餓狼圍攻一頭肥美的羊,唯有智取。電影《爸不得回家》講述獵頭世界,一個59歲失業的工程師擁有博士學位,無論學歷資歷都較常人好。無數次的面試最終一無所獲,因為他只是獵頭中介的「餌」。用「餌」吸引大客,為他安排面試機會,向他「套料」公司的面試問題,再給年輕有為、更有市場價值的應徵者參考。(電影劇照)

違背良心

一群餓狼圍攻一頭肥美的羊,唯有智取。電影《爸不得回家》講述獵頭世界,一個59歲失業的工程師擁有博士學位,無論學歷資歷都較常人好。無數次的面試最終一無所獲,因為他只是獵頭中介的「餌」。用「餌」吸引大客,為他安排面試機會,向他「套料」公司的面試問題,再給年輕有為、更有市場價值的應徵者參考。年長與年輕的,客人必選後者。記者問久保:「現實係咪咁?」久保回答:「是。我哋都會。」例如,給客人五個應徵者選擇,用四個較差的應徵者作陪襯,突出一個人的好。因此,有些人不斷見工,還是空手而回。

久保:「我哋呢行,好少可以唔違背良心做事。」為了工作,久保犧牲數段愛情。為何他要活於複雜的世界,除了一份6位數字的收入,背後還有故事。下文再續。

下集:【餓狼人生2】獵頭隨時on call   為30萬佣金賠上愛情:住元朗是弱點



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。