港版羅拉做運輸因討厭是非 放假會扮靚着裙:提醒自己係個女仔

撰文:李慧妍 孫名慧
出版:更新:

去年有網民拍下一名女搬運工人爆肌拉貨相片,惹來迴響。這名「港版羅拉」朱芊佩(小珠)接受《香港01》訪問,再次引來熱議。不少網民留言均大讚小珠,「又叻又靚又捱得苦」。
生存之上,生活之下,小珠背後還有甚麼故事,讓她選擇從事辛苦的搬運工作?

因為運輸工作辛苦,總是汗流浹背,小珠喜歡穿着清涼,多以背心、短衫短褲上陣送貨。(梁鵬威攝)

中五畢業後,小珠已投身職場,「會考完就即刻做嘢,爸爸生意失敗,所以我覺得要撐起頭家,唔可以靠人哋。」身為家中長女的小珠,年紀輕輕就成為了家庭的經濟支柱,「幫補到就會幫,就好似近日業主加租咁。」

小珠說:「細個性格已經似男仔,阿爸將我當男仔咁教,經常訓練體能,想我堅強、獨立,3歲就要我自己一個瞓覺。」(梁鵬威攝)

成為搬運工人前,小珠多次轉行,做過酒店保安、清潔、文職、救生員等,至八年前才決意投身運輸業,「畀人無中生有,明明無嗰種居心,或者無嗰樣講到有嗰樣,老細又要信嗰啲人,覺得好委屈。」小珠向來喜歡無拘無束,「做運輸自由自在,無咁多是是非非、勾心鬥角,開心、自由、輕鬆啲。」

她自問「男仔頭」,每天與眾多男搬運工人合力搬貨,休憩時也會「傾馬經、講波」,很快便融入這班男人天地,「我鍾意有咩講咩,有嗰句講嗰句,唔使猜測,唔使諗咁多。」

小珠最終投入運輸行業八年,原因是喜歡與男士相處的爽快。(梁鵬威攝)

正所謂巾幗不讓鬚眉,小珠平日上「戰場」時,總是威風凛凛,穿上淨色小背心和熱褲,大汗淋漓地搬貨上貨。但原來私下的小珠仍有一顆少女心,溫柔、體貼,「會煮嘢食、做家務」,「行街扮靚,放假嗰陣會着裙,要時刻提醒自己係個女仔。」

小珠幼時家住美孚新邨,做生意的父親很愛帶她看貨櫃碼頭的日常運作,「佢教我呢個係20呎櫃、嗰個係24呎櫃,睇住啲機器將貨櫃夾嚟夾去,覺得好好玩,好想知點操作。就算平時玩砌積木,都會砌貨櫃碼頭。」說畢,小珠腼腆地笑了笑。(梁鵬威攝)
+16