8萬人得一層街市　菜價貴一倍　慈雲山街坊投票爭建公營街市

「依家慈雲山只餘下一層街市，空間細咗三分一，啲菜亦比以前貴咗成倍，未來仲要俾建華管，大家都擔心物價會壟斷。」民主黨慈雲山社區主任張茂清說。

慈雲山中心的兩層街市去年中開始變天。去年中領展突然通知上層街市的商戶，指將會在今年七月收回，並將該層改裝為商舖。而下層街市（好運街市）亦在今年四月開始裝修關閉，至6月23日才重開，屆時亦會交由建華集團管理。

慈雲山一帶共有約八萬多名街坊，由4月起要共享一層街市，地方已相當迫，店舖少了菜肉價錢也貴了不少。「未來下層街市仲要係建華集團管理，大家都驚會壟斷，搞到啲菜更貴。」張也指好多原來在街市內的商戶已經租街舖，令到附近衞生環境變差。

為了區內居民有平菜買，慈雲山居民在剛過去的星期日，便舉辦了新街市選址的民間投票，希望借民意，要求政府在該區多建一個公營街市，以解居民之困。

當日有三四千人投票，不少公公婆婆也出來。「呢區好多長者，佢哋都係靠去街市買餸自己煮飯食，你轉晒商舖，街市選擇少咗、價錢又貴咗，你叫佢哋點捱？」張茂清說。

其實，早在今年四月，該區的地區組織和政黨曾向房屋署代表遞交請願信，以及收集超過3000個居民的簽名，表達對街市不足的訴求，惟至今未得到政府及相關部門的回應，故發起今次投票。

今次居民以投票方式表達興建公營街市選址的意見，投票名單內共有五個選址讓街坊選擇，投票結果將會在七月二日居民大會內公佈，並交予給政府以表訴求。