【社區人.訪】港漫難做 插畫家:要外國攞獎香港人先撐!

撰文:
最後更新日期:

葉偉青的《香港重機》系列,令他成為動漫迷以外,香港人熟悉的插畫家,但其實他在年前主筆繪畫《武道狂之詩》的漫畫版後,多了一個漫畫家頭銜。在這「港漫難做」的時代,他卻投入這個很多人都不看好的行業,默默地改革港漫。

攝影:梁鵬威

「飛髮」先有漫畫睇

要看漫畫,現在只需一部手機就能隨時做到,但在葉偉青成長的年代,卻只有「飛髮」時才有漫畫可以看。他說,從前的山邊剪髮檔、上海理髮店都會備有一堆香港漫畫,供客人剪髮時觀看:「嗰時自己冇錢買,唯一接觸漫畫就係嗰啲地方,成日都同阿媽講要剪頭髮,明明好短都要去剪,就係為咗睇漫畫!」憶起這段往事,他也笑了起來。

年少時已認定要以畫畫成為職業,不過卻因初時「印象麻麻地」,而沒想過入行畫漫畫:「因為當時嘅題材比較暴力同色情,嗰一行就好似做嗰啲嘢咁樣,唔係好健康,屋企人應該唔會批准。」加上當時入行並不易,更聽說漫畫學徒生涯辛苦,要「瞓紙皮、日日冇得返屋企」,因而選擇了讀設計。

畢業後葉偉青當過插畫家,又加入過遊戲製作公司,後來更投身動畫業,參與《忍者龜》、《阿童木》等動畫電影製作,近年才開始畫長篇漫畫。

香港漫畫自90年代開始走下坡,但葉偉青近年卻開始畫起長篇漫畫。(資料圖片)

自學投身漫畫界

葉偉青在機緣巧合下,於2010年開始將喬靖夫所著的小說《武道狂之詩》改編成漫畫,更成為了漫畫的主筆。從以前要與一大班人合作、花費一年半載去製作一套動畫,到自己一人處理改編、畫漫畫的工作,他坦言創作上自主性高了不少:「以前好多會開,而家唔使啦,專心畫足咁多時間!」

以前曾畫過短篇、小品漫畫,但長篇漫畫卻是初次接觸,他坦言:「最起初啲分鏡都畫錯晒。」後來研究了不少漫畫大師的作品,「惡補」這方面的知識,自學之下,漫畫之路開始順利,到後來更成為了《今晚打喪屍》、《香港感染─旺角站》兩部漫畫版的主筆。縱然說過享受畫漫畫,但他也笑說過程辛苦:「工序要花好長時間,一日畫十幾個鐘,真係好痛苦!」

除了《武道狂之詩》,葉偉青去年更將《今晚打喪屍》改編成漫畫。(創造館圖片)

改革求存

「我嗰個年代啲人,每個禮拜去報攤度等漫畫出,而家唔會啦,好多都上網睇。」眾所周知,港漫在90年代後期開始走下坡,但葉偉青卻反其道而行,投身這行業。「其實一講港漫,大部分人會界定咗係一般嘅薄裝,即係10幾蚊、楔喺褲袋嗰啲。」他說這種模式的漫畫難收藏,亦難在市面上流通,故他銳意改革,要做出類似日本的精裝漫畫:「如果畀我做,我會做一啲3本單行本之內會完到嘅故事,大約電影長度嘅模式。」

香港漫畫要再度蓬勃,葉偉青認為香港人的支持必不可少。 (梁鵬威攝)

現時「跑出」的漫畫,多為小品型式,或與時事掛勾,像葉偉青般畫劇情漫畫的人已少之又少:「好似我哋而家做緊嗰種,就係諗一個好完整嘅故仔,做好多前期工作、資料搜集,然後做好多設定,寫個好長篇嘅故事,呢個模式已經係好難做。」不過,即使「跑唔出」也不代表港漫「唔掂」。事實上,近年不少香港漫畫在外國獲得獎項,甚至可以出版。業界要在香港再度蓬勃,他說香港人的支持不可少:「香港人好衰,逢係自己嘢就唔支持,或者係兜個圈返嚟,贏咗啲獎項,咁佢又會支持。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。