【有片】大雨下荃灣天橋又變水簾洞

近日的多場大雨，令社區中多個淤塞的去水口現形，將華富邨「小瀑布」後，連接荃灣愉景新城和大涌道的行人天橋在昨日的大雨水，亦出現雨水倒流，令天橋變身水簾洞！

在荃灣工作的Ryan對《香港01》表示，昨日下午經過天橋時，碰上大雨，而橋頂上雨水倒流入橋內，令橋內的「雨勢」甚至比外面還大：「呢條橋落雨就漏水㗎啦，不過尋日漏水情況就比之前嚴重。落大雨行嗰條橋，如果唔避或唔開遮就一定濕身。」Ryan直指這樣的雨水倒流情況並不正常，雖然天橋已有多年歷史，但政府亦應為其作出保養：「舊嘅嘢唔一定喺爛蓉蓉。政府部門如果有好好保養條橋，又點會變成咁？」

荃灣區區議員葛兆源指未接獲過相關投訴，但估計造成問題的原因與去水位有關：「應該係因為條橋太長，啲去水位唔夠，變咗啲水積住喺橋頂走唔到，就谷返入橋入面。」不過，區內亦有天橋曾於雨天變身「水簾洞」，他指連接福來邨和荃錦商場的天橋早年有過類似情況：「路政署幾年前嚟睇過，喺中間嗰段裝多咗2個去水位。」

進行加裝去水位的工程後，情況有顯著改善，故葛兆源相信或可照版煮碗，要求相關部門到場視察及跟進，以改善問題，惟他指此舉需時：「嗰邊我2011年啱啱落區已經有呢個問題，都要做咗幾年工作，先至解決到。」

涉事的大涌道天橋其實不只有漏水問題，曾有街坊就橋的照明和衞生問題作出投訴，而葛兆源亦指天橋的清潔欠佳：「路政署清理天橋嘅次數好少，可能一個月先得一、兩次。」他指曾於區議會上，敦促相關部門加強保養區內的舊天橋，將來亦會繼續跟進相關問題。

路政署回覆《香港01》時指，該天橋涉多個管理權，出現雨水倒流的一段，為商場管理，而非路政署。至於天橋連接其他街道的範圍，則由署方管理。

管理天橋有關路段的公司回覆指，本月的連場大雨令橋頂雨水渠出現倒流情況，公司已於16日安排職員跟進，惟由於橋頂涉高空工作，故未能完全處理問題。公司於27日再進行搭棚工程，清理橋頂堵塞的渠口。