為萬聖節做準備？沙田史諾比開心世界　驚現「暗黑版」史諾比

開業18年，位於沙田新城市廣場的《史諾比開心世界》，多年來為不少人留下開心回憶，不過隨著年月過去，原本白色的史諾比，已經逐漸變成灰黑色，場內多處亦見污漬。

佔地達3,670平方米的《史諾比開心世界》，設有多個以史諾比為主題的擺設，網民Michael Chong日前上載多張相片，可見不少設施已經開始老化，當中躺臥在大狗屋上的主角史諾比，更由原本的白色，變成灰黑色。不少人見到相片後，都大為驚訝，有網民留言指「頭先帶個外國朋友去睇佢都費事影相！」、「以前好靚㗎，太可惜了」，亦有網民指開放時間愈來愈短，「開放時間仲越縮越短，多年前早上九點幾十點就可以入去玩，仲有些幼稚園帶小朋友嚟玩，之後改為11至7，而家仲12至6，場地有少少雨水就關閉暫停開放。」

而且，場內多擺設亦呈現老化，多個角色滿面污黑，尤其大型的查理布朗，頭部後方更出現一條條「黑汗」，令人大吃一驚。而另一招牌景點黃巴士，雖然整體狀態仍算良好，但車頂部分已開始出現油漆剝落。

（圖片獲Michael Chung授權使用）

新城市廣場回覆指，一向重視場內設施的維護，每日均會安排人員進行清潔及作定期保養工作；另外亦會不時檢視商場內不同設施，按實際情況進行不同類型的翻新工程。