【告別長發】與街坊共度最後時光 商戶：眼淚罷市時已經流晒
經歷兩次罷市，青衣長發街市最終未能改變由建華接手的命運，10月1日開始封閉進行約3個月的翻新工程，部分商戶於今日作最後一日營業，並於明日（9月30日）搬到旁邊的臨時街市，亦有商戶表明今日後將會結業離場，後會無期。遷拆之期已至，有商戶指必須接受現實，「要留眼淚示威（罷市）嗰陣一早已經流晒，依家就算唔捨得都冇辦法」；有成衣店即使早已遷走物品，大批街坊好友卻仍留守於四壁斗室，以談笑風生共度於長發的最後時光。
街市內有不少商舖已於日前「交吉」，工人開始進行清拆，塵土飛揚；另一邊亦有部分商戶仍忙於最後一日營業，水果店以平價希望盡快清貨，「20蚊包提子賣12蚊，仲平過來貨價」，老闆娘黃小姐早已打算不再續租，並已將店內物品送贈別人，今日店外寫上「天道酬勤，財散人聚」的字牌，「要付出先會有成果，做生意無熱情嘅係唔會聚到咁多客人。但如果依家我地連入場費都俾唔起，想做都做唔到。店舖啲雪櫃同檯都送晒俾有用嘅朋友」。
豆腐店老闆秋哥經營十多年，明日起會搬到臨時街市營業3個多月，然後便會結業離場。他指續約租金貴近一倍，單是賣豆腐已無法回本，現時已接受現實，「要留眼淚示威（罷市）嗰陣一早已經流晒，依家就算唔捨得都冇辦法」。有光顧多年的街坊特意前來道別，又指將來街市價格可能無法負擔，要到其他街市購物。
街坊好友憂成衣店被大幅加租
另一間成衣店早已遷剩四壁，但仍有多名街坊坐於店內，店主嚴太也是附近居民，與一眾客人於長發多年來結成好友，街坊洪太說平日就算不買菜也會到店裡聚頭，「一大班人坐喺度打牙骹，真係好似張標語所講，歡笑歡聚」。雖然嚴太亦會於3個月後續租營業，但一眾好友仍擔心街市會面目全非，而且租金高昂，對商戶及居民都是壞事，李太認為建華接手後，合約都是「不平等條約」，「加佢（嚴太）咁多租，羊毛出自羊身上，佢一定要賣貴啲，結果商戶又慘居民又慘」。
據了解，10月1日開始營運的臨時街市合約為期3個半月，租金比現時商戶的舊租金仍貴，但由於租期短，大部分均由舊商戶負責。
