急症室非緊急個案輪候6小時 病人：加價都會照去
醫院管理局大會今日（15日）公布，通過建議公立醫院急症室收費由現時的100元增至220元，將交由港府定奪。當局期望加價有助減少市民濫用急症室的情況。《香港01》記者下午到伊利沙伯醫院急症室觀察，其螢幕顯示緊急類別的病人需等候約半小時，次緊急及非緊急的病人等候則為3小時及4小時。但有輪候診症的非緊急病人的家屬表示，雖然已輪候超過6小時而未看醫生，但認為值得，「呢度有得照埋（X光片)，當然等啦。」若政府決定加價仍不作動搖。
今午的伊利沙伯醫院急症大堂有約20多名病人及家屬候診，未算太擠逼。有陪診的病人親屬引述醫生指，「噚日嚟好似要等6個鐘呀！」現場所見，病人花上近兩小時方可進入診症室等見醫生。另有陪伴丈夫求診的女士表示，丈夫因咳嗽未癒，上午11時前來急症室，但至下午5時仍未看診，等了足足6小時。「我老公等等吓要走先，我咪幫佢等囉，慣咗知要等好耐啦。睇私家睇唔好㗎，呢度有得照埋（X光片)，當然等啦！呢度醫生好。」她續説丈夫為合約公務員，加價對他不受影響，將來仍會到急症室看診。「我做陪診嘅，當然知要等，最誇張係等到半夜，同埋呢度醫生好，我病都係嚟呢度。」對於有否濫用急症室，她避而不談。
骨折病人苦等2小時：好在我忍得痛
從事裝潢的陳先生工作時從踏板跌倒受傷，腳部骨折到伊院急症室等候看診，看到他的右腳踝邊等邊腫起來，頗為痛苦，輪候約兩個多小時才獲安排照X光片。他無奈稱：「好在我忍得痛，唔係真係等到痛到叫出嚟，正常邊個想嚟急症室呀？」陳先生續説，相信有人會因小病來看醫生，認為急症室增加收費用可減少達五分一人濫用，「加幅合理，出面睇私家都係二百幾，呢度要等好多個鐘喎，應該會少啲人。」
陪同牙痛未癒的爸爸看診的楊先生表示，他不認同自己濫用急症服務，並指不少市民對濫用急症室的認知不足，難以判斷。「你見佢係咳，可能係其他病加埋呢？我諗好難判定點先係濫用。」另外，楊先生表示急症室加價未必減少濫用，「其實加咗都係平過私家，如果屋企有人長時間要睇醫生其實都係會抵咗。」
