租貴結業 腸粉大王斥食環：唔關前線職員事，最衰係啲官！
縷縷白煙從蒸爐中慢慢浮出，一隻大手掀起鐵蓋，驀然間雙眼盡是迷茫，待到濃霧散開，一塊細滑白嫩的腸粉皮已然蒸起，從這蒸氣的不斷聚散中，曾啟新奪得「腸粉大王」名號，亦從街邊的木頭車，走入汝州街舖位，又即將因貴租被迫離開，但亦如蒸氣終會重新升起，曾啟新表示將會另覓新舖，同時不會放棄在街頭擺賣，「如果唔擺出嚟，街坊會掛住我。」
在深水埗無人不曉的腸粉大王，因難抵貴租，將於本月22日結業，腸粉大王曾啟新表示，由1980年來到香港起，先後在佐敦及深水埗桂林街推著木頭車賣腸粉，年多前在汝州街開舖，但仍堅持閒時推著木頭車在桂林街及旺角街頭擺檔。對於食環署掃蕩小販的手段漸趨強硬，曾啟新慨歎：「唔關前線（食環署職員及警察）事，一日最衰都係做決策啲官！」
曾啟新表示，家中三代均做腸粉生意，自己也賣腸粉賣了30多年，也是全港唯一用全米漿做腸粉的商販，「識我嘅都知，我淨係賣三種腸，就係叉腸、牛肉腸同蝦腸」。談到位於汝州街的店舖即將結束營業，他指主要原因是蝕錢，「舊年上了舖，但舖頭冇乜生意，即使業主減了15,000蚊租，但拍檔同自己合共損失約200萬，都做唔住，惟有忍痛結業」。
沒怪責前線職員
腸粉大王縱橫街頭多年，自認是被捕常客，「30多年來，加埋都俾人拉咗4、50次」，但他並沒有遷怒於前線食環職員，「前年擺檔，食環都係企喺度望住你，等你知難而退收檔，舊年開始，唔知點解（食環職員）一落嚟就拉，好不近人情」，去年，曾啟新也試過到旺角擺賣，但今年連在旺角擺檔也遭食環職員驅趕，說到此時，曾啟新咬牙切齒地說，「唔關前線事，一日最衰都係做決策啲官！佢哋好衰格！」他認為街頭小販是城市特色，既然夜市在其他國際城市也能存在，香港政府卻要將小販趕盡殺絕，是很荒謬的決定。
年初二凌晨，旺角街頭爆發騷亂，造成多人受傷，有人將是次事件稱為「魚蛋革命」，當晚腸粉大王在「青年重奪未來」成員劉小麗陪同下擺賣，最後遭食環沒收小販車，對於有市民當晚為支持小販而發生衝突，曾啟新感謝他們身體力行的支持，「嗰晚我喺警察防線後面，都做到生意嘅」。但是，曾啟新對於本土派人士當晚與警察衝突表示不認同，「咁樣太衝動啦，警察同食環職員都係盡本分唧，唔應該怪前線，打人始終都唔啱」，曾啟新再三表示，「最衰都係做決策啲官」，更指食環署、警方及小販都是受害者。
拒放棄街頭擺檔 盼「雙線發展」
汝州街的舖結束營業後，腸粉大王有何打算？「想喺旺角再搵舖位」，但他表示不會放棄在街頭擺檔，將會在桂林街繼續推著木頭車服務街坊，「想做返啲街頭擺檔風味」，打算「雙線發展」的他指，「如果唔擺出嚟，街坊會掛住我」。
