長子自殺 母與幼子相依卻陷嚴重抑鬱：「傷痛，一世都放唔低」
有研究指，2015年香港每10萬人中就有12.6人死於自殺。生命輕輕消逝，卻為在世者遺下沉重哀痛。
55歲單親媽媽阿Ling原獨力養大兩子，惟8年前27歲長子輕生自殺，令自己與幼子相繼患上嚴重抑鬱症；相依為命的兩人，都過於着緊對方，幼子不願上補習班，阿Ling就以死威脅：「信唔信我劈死你？劈死你之後又劈死埋自己？」
回首一切，她慨嘆自己不如幼子硬淨；時間過去，然而有些傷口豈是時間可以癒合，「你跳咗落去只係一剎那，但自殺者親屬係要孭起呢個痛好耐，有啲可能孭一世都未必放得低！」
2009年7月29日，早上約7點，阿Ling 收到警方來電，指其長子跳樓自殺。她以為惡作劇電話，豪不客氣地回應道，「你都痴線，我啱啱見完我個仔。你都發神經，唔好搞啦！」掛斷後兩分鐘，再接來電，對方報上地址，她知道消息千真萬確。
長子於當日清晨5點，從外婆住所的11樓一躍而下，終年28歲，遺下阿Ling與8歲的弟弟。原來自殺決定早有預謀，他於事發前數日把一頭金髮染黑及理順、將屬於自己的所有物品搬走。「一件衫都無留底，惟獨佢係褲袋嘅電話無爛到。」
遺言：千祈唔好俾細佬好似我咁樣
電話成為唯一遺物，裡面留下未有寄出的5封遺書。阿Ling雙手掩著嘴巴，引述屬於自己那封：「媽咪我走啦，你好好照顧阿婆同細佬，千祈唔好俾細佬好似我咁樣，你要好好睇實佢，唔好俾佢好似我咁，行差踏錯。」
冷靜半年後母突陷嚴重抑鬱 與子調換照顧角色
長子離世初期，阿Ling情緒異常平靜，不懂得哭泣，只忙於安撫身邊人。直至半年後，她的情緒大爆發，有一天走在街上，傷痛突襲，周身酸痛，「好似萬箭穿心」，眼淚不能自制地留下。2010年，她被確診患有嚴重抑鬱症，晚晚失眠，食欲不振，體重曾跌超過20磅，只有80磅；情緒容易波動，持續3至4年的情緒低谷中。
母子相依為命，只有9、10歲的幼子肩負起照顧母親的責任。因病影響，阿Ling失去生存動力，經常足不出戶，只會哭與睡，有一年時間未能再下廚。她憶述，幼子每次放學回家後都會跟她說，「媽咪你瞓啦，我一陣會叫外賣」。阿Ling形容「間屋七國咁亂」，均由他打理，情況持續一年，「佢做咗我嘅角色，佢要好睇睇住我，驚我有事」。
經常對幼子以死相迫
阿Ling當時情緒不穩，對幼子情感依賴很強。她記得一次，幼子到同學家玩，阿Ling一次過服食醫生處方的所有抗抑鬱藥，致電幼子威脅道：「你可以盡情去玩，唔駛返嚟啦，你返嚟都見我唔到！」幼子最終社工趕到家中拯救阿Ling。
長子自殺令阿Ling經常感到愧疚，故對幼子更痛愛有加，但不得其法。她安排幼子上補習班，最遲要晚上10點才回家；周六日又安排他參加拼音、畫畫及游水班等，「以為對佢係最好，其實佢好淒涼」。長期受壓的小人兒終不領情，不願上補習班、不願去活動，令她情緒激動，會「一哭二鬧三上吊」，試過在廚房煮食時，突然手持刀轉身，向細仔大喊：「信唔信我劈死你？劈死你之後又劈死埋自己？」
幼子話因為每次係學校望見到個窗，就會好驚突然收到電話，話我跳咗落去，所以佢要係屋企睇住我。
幼子患抑鬱抗拒上學 對母哭訴：「我好驚無咗你」
一個家庭的情緒健康始終會互相牽引，三年後幼子情緒同樣出現問題，小六時經轉介去兒童精神科，確診患上嚴重抑鬱症，須長期接受社工輔導，期間曾兩度停學。心病還須心藥醫，阿Ling記得，幼子升上中一後有一晚，要求與她同睡。
兩母子躺在床上，幼子突然淚如泉勇，哭訴道：「我好驚無咗你」。當晚幼子忽然打開心扉，解釋自己昔日抗拒上學的原因，她引述：「佢話因為每次係學校望見個窗，就會好驚突然收到電話，話我跳咗落去，所以佢要喺屋企睇住我。」
阿Ling說當時恍然大悟，原來以往說話帶刺，傷及弱小心靈，「以為小朋友好善忘，玩兩玩就會唔記得啲嘢，原來唔係」。兩人互相擁抱著，她向幼子矢言：「我唔會掉低你一個人，點都會同你同行，唔再令你掛心」。
8年過去，那些哀痛與受傷漸漸遠去，母子二人如今走在康復路上。阿Ling回望，坦言有一些傷痛，非可以完全放下。她沒有看新聞，因怕觸動情緒，但她知道近年好多年輕人選擇走上絕路。
「有另一條路俾你行，唔一定要行個條路」
阿Ling奉勸所有徘徊自殺邊緣的人三思，「呢個世界唔會有百分之一百的問題可以解決，但亦可能有另一條路俾你行，唔一定要行個條路」，「你跳咗落去只係一剎那，但自殺者親屬係要孭起呢個痛好耐，有啲可能孭一世都未必放得低」。
你跳咗落去只係一剎那，但自殺者親屬係要孭起呢個痛好耐，有啲可能孭一世都未必放得低
求助網站和熱線
香港撒瑪利亞防止自殺會熱線 : 23892222
醫院管理局精神健康專線 : 24667350
東華三院芷若園熱線︰18281
撒瑪利亞會熱線︰28960000
學友社學生熱線：25033399
社會福利署熱線︰23432255
生命熱線 : 23820000
災後心理輔導熱線：51815501
