【愛心平飯・有片】新蒲崗飯店24元任食 老闆娘:重金難換街坊情

撰文:梁煥敏
出版:更新:

今時今日一頓午餐動輒也要40元,有沒有想過24元竟可吃到自助餐?
在彩虹道街市熟食市場裡,有一間開業廿多年的良心小店,街坊只需付出24元,便可坐低任食廿多款家常菜,甚至將食物「打包」帶走。即使面對勞工及食材成本上升,小店老闆黃有多(多姐)堅持以近乎成本價經營平價自助餐生意,一年前曾有食店建議「合謀加價」,結果被她拒絕了,原因很簡單,因為街坊感情是用金錢買不到的:「幫到老人家就幫啦,有錢都唔駛嚟呢度咁熱咁食啦,只要我交到租畀到人工,維持到都唔會加!」

中午時分,不少市民前來飯店進食,除長者外,當中也有打工仔。(梁煥敏攝)
+3

位於彩虹道街市熟食檔的順豐飯店,近年堅持以24元任食自助餐為一眾老街坊服務。記者上月中(5月)中午時分來到檔口,多姐如常地準備家常小菜,蒸鯇魚及咕嚕肉等廿多款菜式,源源不絕供應。食客以中年男士及長者為主,他們付款後便拎起餐碟夾起自己喜愛的菜式,部分菜式因太受歡迎,甫放低便旋即被掃清光,但多姐不時為都食客「加餸」,並嚷著要客人「食飽啲」。

順豐飯店每日有約20款餸菜供客人選擇。(梁煥敏攝)

雖然近年食材價格急升,但多姐毫不介意「蝕底」:「你屋企都可能唔只兩三個餸啦!個肚好公道架嘛!咁佢地(客人)都好有良心、佢都係食到飽唔係掉咗你,真係食幾多拎幾多嘅,唔會浪費。算啦!」

多姐不時為客人「加餸」。(梁煥敏攝)

拒合謀加價 與鄰店攪到「面阻阻」
多姐稱,由於熟食檔位為食環署轄下管理,租金較商場舖便宜,加上現時每名伙計的一萬多元薪金,每位人客收24元僅僅收支平衡。多姐說,一年多前鄰舖老闆曾建議「合謀」加價至28元,賺取更多收入,但遭她一口拒絕,鄰店從此起不打招呼「面阻阻」:「我呢度全部熟客!佢地都幾十歲無錢囉,你加佢價自己個心都唔安落啦!為咗加一、兩蚊,唔洗啦!你睇一兩蚊好少,佢地每一蚊睇得好大!」

訪問期間有長者將食物「打包」帶走,多姐邊為婆婆整理邊說:「係有人拎走食嘅!(有無客人食完午飯再打包拿取晚餐?)都有啲,都係環境所迫嘅!」

多姐堅持工作:有客同我講,我唔做佢無飯食
多姐今年已年屆64歲,炎炎夏日仍於熟食中心工作分外辛苦。被問到會否退下來時,多姐說:「年終無休,初六做到年三十晚。」多姐育有的4名子女已經出身,家裡的基本支出不用擔心,但多姐說不想退下來無所事事:「有客同我講,我唔做佢無飯食,我諗做到做唔到先會唔做,其實呢度做義工都無所謂。」

已第二次到來吃午飯的梁婆婆讚賞老闆娘心地好,將來到附近做運動後亦會再次到來「開餐」。(梁煥敏攝)

附近工作的張先生與數位同事一同來吃飯,他表示於公司附近吃午飯最少要40元,一日得知熟食中心有「平飯」,便久不久前來光顧:「嚟呢度食真係慳唔少錢,同埋真係夠食。」居於黃大仙,第二次前來吃飯的梁婆婆認為食物質素好,少見有多魚同炒菜選擇,讚賞多姐為善心人。