薄扶林道車禍｜城巴疑入錯線扭軚撼路牌　的士捱撞：咁樣衝落嚟

港島西區薄扶林道昨午（6日）發生驚險車禍。一輛巴士沿薄扶林道駛至近香港大學本部大樓對開分岔路時，失控猛撼路中石壆及路牌，繼而撞向一輛的士，幸無釀傷亡。
網上瘋傳車禍一刻片段，可見一輛37B城巴沿薄扶林道斜路駛至上般咸道橋面的支路時，突然急速扭右切線，猛撼路中石壆及路牌，撞飛安全島反光牌，繼而撞及對面線一輛的士。的士司機當場嚇窒：「嘩，好在扭一扭，唔係好大鑊！咁樣衝落嚟？」女乘客亦驚魂未定稱，「咁樣衝落嚟嘅？」片中可見，巴士撞壆時「彈跳」，幸未有翻車；其後車長落車慰問，雙方報警。

片段亦令網民「一額汗」，不少網民均指巴士車長懷疑入錯線肇禍，「發緊夢入錯線，上橋只能去般咸道，去唔到原有路線薄扶林道」、「未瞓醒行錯路又快，突然抽右」、「巴士冇反，執到啦！」

警方表示，昨午12時07分接獲報案，42歲男車長駕駛巴士沿薄扶林道左一線駛往中環方向。途至上址時，切向左線，撞到路牌及一輛的士。巴士車長及的士66歲男司機均無受傷。案件列作「交通意外—政府財物損毀」處理。