大埔發生驚險車禍。今日（21日）下午4時40分，一輛重型貨車及一輛電單車，在南運路近廣福道交界相撞。電單車司機腳部受傷，由救護車送往那打素醫院治理；警方正調查車禍起因。

網上瘋傳案發一刻車cam片段，可見多輛車正在南運路候燈，一輛電單車突從車群中「攝車罅」，打橫緊貼停在田螺車前方。轉燈一刻雙方同時起步，結果田螺車即將電單車撞跌，鐵騎士人仰車翻、連人帶車被推前數米始停下。片主車內傳出男聲驚呼：「嘩，架電單車瞓低咗呀，睇唔到呀架大車！」幸片末可見鐵騎士自行爬起。

影片引起網民熱議，不少人直斥電單車司機行為危險，「呢個26（電單車）真係累人累己，咁夠膽喺大車前咁停，真係想死快啲！」、「真係累死人，平時攝車都已經乞人憎，邊有人攝車攝到自殺式攝車㗎！」、「攝都唔揀架大車呀，有無腦㗎？」