元朗橫洲一帶多處停電。《香港01》接獲讀者報料，指今日（23日）晚上接近7時，橫洲一帶突然停電，附近屋村受影響，街燈熄滅，烏燈黑火，大批居民摸黑落樓，「咩都做唔到、睇唔到。」

停電一刻，居於東頭圍的黃先生正準備沐浴，「原本打算沖涼，好彩未除衫！」他一家7口原定在家中打邊爐，為外祖母慶祝65歲大壽，最終逼於無奈下外出晚膳，「最慘係啲海鮮洗晒煮唔到！」黃生續指，家中有小朋友及貓狗「唔行得遠」，如果遲遲未能復電，亦無法洗澡，「唯有去超市或者便利店買水，抹一抹身。」

中電發言人回覆查詢時指，今日（23日）傍晚約6時53分，中電位於元朗橫洲的一條低壓地下電纜發生故障，引致東頭圍新村約127名客戶的電力供應受影響。經中電工程人員全力搶修，包括鋪設臨時電纜，同晚約10時半為三分之一的受影響客戶恢復供電，並於翌日（24日）凌晨0時38分為所有受影響客戶復電。