演唱會撲飛攻略 唔想助長黃牛捱炒價可以點做?

網購攻略
網購攻略
撰文:
最後更新日期:

2019 下半年演唱會多蘿蘿,先有女神 Kay,再黎就有軒仔,而時隔 6 年冇開演唱會嘅 Eason早前亦都宣布會喺年尾見大家,一眾樂迷真係又期待又怕受傷害,畢竟呢啲天皇天后嘅演唱會飛的確係爭崩頭都未必買到,如果唔想助長黃牛或者食炒價,咁就等小編過你幾招點搶正價飛啦!

1. 售票網買飛預先打定資料最穩陣

一般人買演唱會飛都會選擇經城市售票網、快達票或者其他網上購票平台,但由於同一時間有大量人潮湧入網站購票,成個買飛過程幾乎係分秒必爭,所以最好就喺買飛前先註冊成為該購票網站嘅會員,並預先打好買飛所需嘅資料,包括姓名、電郵、信用卡號碼、安全碼、有效日期等,咁搶飛時只要 copy and paste 就得喇,避免因為打錯或者要重新打過資料而浪費時間。

2. 留意信用卡優先購票

好多演唱會嘅主辦單位都會同唔同嘅銀行信用卡合作,畀客戶優先訂票。根據以往嘅例子,以下嘅信用卡都係多次提供過優先訂票嘅信用卡嚟,各位樂迷不妨考慮下申請定呢幾張卡:

小編提提你,今年年尾嘅陳奕迅嘅演唱會,優先訂飛信用卡就係東亞銀行信用卡!

3. 善用搶飛 app —— KKFly

如果網速唔夠人快,又冇相關嘅優信用卡,不如試下用搶飛 app KKFly。呢個手機 app 主要係介紹各種旅遊優惠,但同時都具備搶飛功能,機票同演唱會飛都有得搶,大家可以跟住以下步驟撲飛:

Step 1:下載 KKFly app,喺演唱會開賣前睇廣告儲掃把,掃把用嚟重新整理(F5)訂飛網頁(1掃把 = 自動重新整理500次)

Step 2:喺演唱會開賣時按 app 右上角嘅「搶飛」,然後選擇演唱會

Step 3:入到去之後,後睇到嘅如果唔係購票嘅頁面,就按右下角的機械人圖示

Step 4:再按自動重試,直至見到正式嘅購票頁面

想成功搶到飛嘅話,大家記得要預早熟習下 KKFly 嘅操作同登入定先喇!做足以上 3 招,成功搶到飛嘅機會即刻大大提升!

(產品資料以最新官方發佈為準)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。