網購攻略

【韓國楓起了】楓葉不止日本有! 2019韓國3大賞楓一日遊路線推薦!

撰文:莉莉安
出版:更新:

九月尾踏入初秋,又係時候嚟一場走就走嘅秋遊!講到秋天景色,不得不提嘅必定係滿山滿地嘅紅葉美景,如果大家有去外地睇紅葉嘅打算,除咗可以去最為人熟悉嘅日本之外,都可以考慮去近年大熱嘅韓國近郊,楓葉以外,仲可以睇到金黃色一片嘅銀杏森林!

小編今次為你介紹 3 條韓國賞葉路線,其中仲有韓劇鬼怪嘅拍攝地!

路線一:內藏山國立公園、千年古剎內藏寺一日遊 HKD $438 起

內藏山係韓國 8 大美景之一,因為山內有山嘅壯麗景景色,因而稱之為「內藏」,同時因為佔地範圍大,所以遊客唔需要行到上山頂,只要喺山腳位置已經可以睇到由幾百棵楓樹組成嘅紅葉秋景!想打卡打得再特別啲,必定要去埋有「丹楓祕境」之稱嘅楓葉隧道道德瀑布金仙瀑布,同時感受埋被連綿不斷嘅楓樹屏風包圍嘅震撼感! 一日遊亦會去埋千年古剎內藏寺,以及品嚐當地傳統料理全州韓牛套餐,欣賞到自然景色嘅同時又睇到韓國古色古香同地道嘅一面,就算一家大細,有老有嫰嚟玩都唔驚悶親!

👉按此經「一網打盡」購買額外賺01積分👈

+1

路線二:雪嶽山賞楓+登山纜車一日遊 HKD $414起

韓國有句說話叫做「北雪嶽,南內藏」,同內藏山齊名嘅雪嶽山同樣係當地人觀賞紅葉嘅熱門地點,由於地勢較高而平均溫度較低,所以雪嶽山亦係全韓國楓葉最先染紅嘅地方。嚟賞楓嘅朋友可以選擇以步行嘅方式,睇紅葉同時睇埋極之壯觀嘅飛龍瀑布,又或者可乘搭登山覽車,咁就可以一次過飽覽哂成個楓葉山林嘅全貌,居高臨下望住紅紅黃黃嘅楓樹同銀杏樹,簡直係景不醉人人自醉!

👉按此經「一網打盡」購買額外賺01積分👈

路線三:【鬼怪拍攝場景】五臺山國立公園、月精寺賞楓一日遊 HKD$396 起

位於江原道平昌郡嘅五臺山國立公園係韓國最茂密嘅山林,亦係韓國賞紅葉嘅名山之一!每年十月中旬,成個山頭一片火紅火紅,真係靚到嘩一聲!大家可以沿住步道慢慢上山賞楓,或者前往月精寺,以及韓劇鬼怪嘅拍攝地沙松林,沿路除紅葉以外亦都有小橋流水嘅景色, 身處喺咁如詩如畫嘅美景,簡直好似變身韓劇主角一樣,絕對謀殺大家唔少菲林。

👉按此經「一網打盡」購買額外賺01積分👈

五臺山、內藏山同雪嶽山都距離首爾大約三至四個小時嘅車程,話近唔近,話遠亦唔算太遠,嚟個一日遊行程都搞得掂,KKday 嘅行程除咗乘搭專車往返嘅時間,其餘時候大家都可以自由活動睇紅葉,夠哂方便同彈性!

 👉立即前往KKday瀏覽一日遊行程👈

(產品資料以官方最新發佈為準)

想知道更多即時優惠資訊,立即加入我哋嘅Telegram Group啦!
 👉按此加入優惠碼發放區👈