網購攻略

可愛平價AirPods Case大匯集!秋冬來到 不如幫AirPods着番件外套?

撰文:小甘
出版:更新:

噓!偷偷話畀大家知,作為外貌協會會長嘅小編,當初睇中AirPods嘅幕後原因莫過於係可愛嘅AirPods Case實在太多,萌到小編內心潛伏已久嘅少女心都爆發了!為咗帶呢班小可愛返屋企,小編唔單止入手咗AirPods,仲喺淘寶上揀咗好多AirPods Case。但係望住淘寶上面海量嘅款式,真係稍為有小小選擇困難症都揀唔到。所以經過小編層層篩選後,挑選咗以下款式,全部都係精英中嘅精英,一齊跟住小編嘅推薦清單加入購物車喇~

店鋪一:《Gemini工作室

1. 養樂多乳酸菌AirPods保護套 ¥23

OH MY GOD!小編內心要融化了!即使從來都冇一日一益力多嘅習慣,但小編都要收服佢,皆因佢嗰表情實在太萌太QQ,可愛得太過份喇!犯規!😤

+4

2. 悲傷青蛙AirPods保護套 ¥23

PePe可以話係WhatsApp界新晉網紅,基本上人人一套PePe Stickers🐸。如果你都鍾意PePe夠搞怪,呢款保護套一定正中你下懷。見到PePe咁慘慘豬嘅表情,真係忍唔住要帶你返屋企至得!

+3

除咗上面 2 款,同一店鋪仲有好多獨一無二嘅Q版卡通造型AirPods Case,大部份都係硅膠材質,而硅膠唯一缺點係物料比較厚,導致Airpods笠咗Case之後會變大舊咗。不過勝在外型搭救,好喇,見你哋咁可愛小編就原諒你哋喇!

🔻撳下圖睇更多《Gemini工作室》AirPods Case🔻

+2

店鋪二:《九點半open

3. 泰迪狗小熊針織毛線AirPods保護套 ¥49.9起

呢個咁QQ嘅貴婦狗仔AirPods Case係由店家織織復織織,一針又一針咁純手工編織而成㗎!雖然價錢貴小小,但手工嘢貴啲都好合理。最重要係夠晒得意,仲要同小編屋企嘅小毛孩撞晒樣,點捨得唔帶佢個孖生兄弟返屋企啊?😍

+4

4. 秋田犬針織AirPods保護套  ¥49.9起

如果你對貴婦狗冇乜Feel,唔知你又鍾唔鍾意秋田犬呢?呢款秋田犬Case仲有對QQ立體耳仔,真係可愛到令人毫無抵抗能力!可愛程度,小編會畀你滿分!

+1

🔻撳下圖睇更多《九點半open》AirPods Case🔻

5. 吐司麵包掛件AirPods保護套 ¥28.8

若果你哋厭上面啲款式過於浮誇,咁呢款Case絕對係低調嘅可愛。皆因保護套係全淨色,仲要係今期流行—奶茶色,再望望買家實物圖,真係完全無色差。而且皮革質感出乎意料地好,望落唔係廉價嘅Cheap皮。當然,成個Case嘅重點就係旁邊嗰Q版方包公仔鎖匙扣喇!保護套仲附設埋安全扣,可以將AirPods扣係手袋上面,唔怕整唔見之餘又可以做裝飾!

+4

🔻撳下圖睇更多《IF CHIC 潮物販賣》AirPods Case🔻

+2

其實AirPods Case 唔單止可以起到保護作用,防止刮花同整污糟。更重要係其實快樂都可以好簡單,望住啲咁可愛嘅Case,已經好治癒,心情都會豁然開朗。😊

好喇!事不宜遲!大家馬上動起來,幫你哋嗰AirPods揀番幾件新衫衫喇~ 

(產品資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈 

你可能感興趣