【聖誕禮物2019】男友最想收到3大實用禮物 另附品牌及單品推薦!

網購攻略
網購攻略
撰文:
最後更新日期:

雖然人人都話女人心 海底針,但小編覺得其實男人心仲難觸摸,事關每次問親男朋友想要咩,佢地嘅答案都不外乎係「你送嘅我都鍾意」、「冇咩特別嘢想要」、「我自己買啦」諸如此類,但作為一個100分女友,其實只係想買啱一樣男友收到會驚喜,望見又會開心嘅禮物,唔通真係咁難?為此,小編問咗身邊年輕男性朋友意見,整合出三大實用類別以及各類推薦單品,唔保證一定係另一半心目中嘅top 1,但最起碼都要做到實用而又不踩雷!

小編曾經都攪盡腦汁去諗,覺得男生最想收到嘅禮物應該都不外乎係遊戲機、game碟、電子產品等等,之不過如果你學似小編,諗得太過簡單,咁最後好大機會係「媽,為何結果不是我想的那樣?」

(網絡圖片)

事關好多時男人們對呢啲產品都特別有研究,莫講話有自己一套選擇嘅準則,更可能一早已經自己(偷偷)入手咗,尤其係game碟,有時另一半online買咗真係未必知道。

所以如果唔想見到男友收禮後尷尷尬尬嘅樣,建議不妨從實用性高嘅衣物同配件上入手,畢竟服飾唔怕多,可以換下款又襯下唔同造型,加上好多男人都嫌行街買衫麻煩,有人揀埋再送簡直最好不過啦!繼上次男友禮物初階篇之後,今次小編為各位有少少經濟能力嘅姊妹們推薦一下中階嘅建議。

【男朋友的聖誕禮物── 中階版】

1. 波鞋類/潮鞋類

唔好以為得女仔先鍾意買鞋,問十個男仔,應該有九個都係波鞋迷,唔止買,佢地更加鍾意儲鞋。如果你嘅男友平時都會做開運動、睇開波、或者成日提起乜鞋物鞋,咁你就可以由呢個方向入手喇!除咗日常出街波鞋之外,小編建議姊姊們亦都可以留意一下特別版波鞋,事關佢地通常都好有價值,唔止俾明星潮人加持過,價錢通常都由千元起跳,男生們就算好鍾意都真係未必捨得買。

如果姊妹們對波鞋冇乜認識,不妨考慮Air Jordan或者Yeezy呢兩個大熱系列,如果男友有打開或睇開籃球,可以買籃球界名鞋Air Jordan,配色同聯名款式都相當豐富,唔止出街得,部分用嚟打波亦得。如果男友係潮人一份子,就不妨考慮由rapper Kayne West設計,風靡一眾歐美明星潮人嘅Yeezy,不過買之前記得先留意一下對方鞋櫃,以及已經買咗嘅款式啦。

🔻Air Jordan 4 Retro sneakers HK$2,703🔻

🔻Air Jordan 11 Retro sneakers HK$2,653🔻

🔻Yeezy Boost 700 Inertia sneakers HK$2,986🔻

2. 背囊類

好多男生們無論出街定返工都鍾意孭背囊,一來實用,二來亦夠百搭,如果你嘅男友平時都係一袋走天涯,或者個背囊已經用咗好一段時間,不如就趁今次買個function同fashion兼備嘅背囊送畀佢!

Supreme嘅背囊雖然並唔係最新款式,但勝在設計夠搶眼,全袋鋪滿Supreme倒轉暗紋logo,低調之中又展示到牌子名。如果男友唔追牌子同款式,咁F/CENo Seam Day Pack都係唔錯嘅選擇,強調機能性多於外型,用咗CORDURA® NYLON 500D 防撕裂結構,輕巧、多隔層,而且防水,無論係平日返工,定上山下海相信都用得着!


🔻SUPREME logo backpack HK$2,994🔻

🔻F/CE No Seam Day Pack HKD 2,315.75🔻

3. 銀包、卡片套類

除咗孭背囊,男生們更多時候都鍾意兩手fing fing,剩係袋個銀包就出街。如果各位嘅男友都係灑脫嘅類型,咁就唔少得一個實用又美觀嘅銀包或者卡片套,令佢型上加型!

McqueenBurberry嘅銀包卡包都屬於比較簡單,而且長青嘅款式,基本上咩類型嘅男生都可以駕馭得到,而Thom Browne就係歐美大熱嘅男裝品牌,主打紳士風格,銀包上有標誌性嘅紅藍間條設計,令成個款式大方得嚟亦多咗分時尚感。

🔻ALEXANDER MCQUEEN billfold wallet HK$2,500 🔻

🔻BURBERRY Monogram Leather Card Case HK$1,371🔻

🔻THOM BROWNE Rectangular Zip Coin Pouch HK$2943 (原價HK$5,887)🔻

正所謂「物輕情義重」,「你送嘅我都鍾意」呢句其實都真係男生們嘅真心說話嚟㗎,只要姊妹們平時多啲了解男友嘅興趣,再投其所好揀禮物,相信淨係呢份心意已經令男友覺得甜到漏啦!如果呢幾樣禮物都唔啱心水,唔緊要!皆因我地嚟緊仲有高階篇畀各位姊妹參考,唔好錯過喇~

(產品資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。