【國際母乳餵哺周】六個小孩的媽媽 餵人奶10年:仔女明顯少病痛

撰文:王淑君
出版:更新:

現代家庭生小孩「1個起、2個止」,但Mandy的家中卻有6個小朋友,最大的孩子在讀大專,最小的快升小學。她原是在職媽媽,在第3個孩子出生時,她便放棄工作,全職專心照顧孩子。「多兄弟姊妹,佢哋更獨立、更識同人相處。」Mandy說。

6個小孩的媽媽Mandy。(王淑君攝)

為什麼Mandy會選擇生6個小孩?「基於信仰,雖然有避孕但都意外懷孕。因為是自己的親骨肉,我哋就要。」大女和二女出生時,她還是一位在職媽媽,女兒出生後她經醫院認識餵哺母乳的好處,而選擇親餵。「當時真係好辛苦,晚晚起身餵好攰,之後又要返工。出街餵又會俾人用奇異眼光望住,同我講:『餵奶粉仲好啦』,又話我餵奶『肉酸』,有諗過放棄。」後來,因為要開始上班,實在無法兼顧餵哺母乳,其後只好以奶粉取代。

到第3個孩子出生,她辭去工作專心照顧小朋友們。「我每個小朋友都有餵母乳,健康院姑娘幫我解決咗好多問題,食得最耐嘅係細囡,食到3歲1個月。」已有10年餵哺經驗的她坦言,奶粉的確比母乳方便,但以她觀察,孩子吸收母乳的營養後,「明顯少病痛,即使而家,一年都唔會病2、3次」。

+1
多兄弟姊妹,孩子會變得更獨立。(VCG圖片)

大家庭培養獨立小孩

家中有6個小孩,非常熱鬧,但Mandy認為在照顧上其實沒想像中困難。「佢哋每個相隔2至3年,大嘅會照顧細嘅,會變得獨立。」她笑着分享排行第5的小兒子在1歲多時,已不用她餵食,懂得自行拿匙羹吃飯。

她認為大家庭對孩子的成長提供良好的養份,「如果屋企得1、2個小朋友,相處會好簡單。但現實社會中有好多唔同嘅人,要互相合作同溝通。屋企多人,小朋友會習慣同人相處」。

慳自己、應使得使

一家8口僅靠從事戲劇工程工作的丈夫支撐,聞說養一個小孩要400萬,Mandy的「秘訣」就是:「負擔重㗎,慳自己囉,應使得使。」不過,夫妻也「偶有失手」,原本生了3個小孩時打算「收手」,把用品都轉贈他人,誰知第4個小孩「報到」,結果要把嬰兒用品統統買過。不過,就結果而言,也物有所值啊!

《香港01》App,瀏覽更多親子資訊,立即下載: https://hk01.onelink.me/FraY/hk01app