如何提昇說故事技巧—家長篇│Miss Carley

撰文:媽媽投稿
出版:更新:

親子閱讀的好處相信不用我多說,不過還需要家長說故事說得動聽,小朋友才有心機聽啊!今天要介紹兩大提昇說故事技巧的方法,讓各位家長都做個說故事高手!

直身鏡練習法

對著鏡子,你會看到自己的甚麼身體部份?說故事時,可以多形容各種感官所感受到的情形!舉例說︰

眼睛︰景物、人物的顏色、形狀等的細節 (例如︰呢度有個紅色、好大的蘋果)

耳朵︰聲音 ( 例如︰「滴答滴答」…...出面落好大雨呀)

鼻子︰味道 (例如︰媽媽係廚房煮野食...…嘩,好香呀!)

手腳︰觸感 (例如︰姐姐買咗個毛公仔,摸落去,軟淋淋㗎!)、動作 (講故事時輔以簡單動作或手勢),可借助簡單用具 (如以筆扮飛機)

演繹角色法

試試以不同角度去演繹故事,令小朋友聽起來更有趣及生動傳神呢!以「龜兔賽跑」為例︰

入︰代入兔子角色去說故事

出︰以第三者角度去說故事

有一日,烏龜同兔仔在森林比賽跑步,開始時,烏龜跑得好慢,而白兔跑得好快 (入) 我跑得咁快,實嬴啦,不如瞓陣先,於是我就係路邊瞓著左啦,噢....起身了,咦,烏龜呢?(出) 呢個時候,烏龜愈跑愈快,仲超越左白兔添,最後,烏龜就嬴左呢場比賽啦!

以上兩個練習法除了可作為家長練習說故事的技巧外,當然也可以同時讓小朋友學習呢!

言語治療師Miss Carley。(受訪者提供)

言語治療師媽媽Miss Carley
喜愛DIY、小朋友和語言的言語治療師 + 英文教師 + 新手媽媽 ,家有余寶寶大少,為多個親子雜誌及網上平台擔任顧問及撰寫專欄,致力與各位家長分享小朋友語言發展、英語學習、親子溝通等資訊。