港媽裝修淘寶購瓷磚全屋只需$11,000 分享睇版、購買及集運貼士

撰文:李紫銘
出版:更新:

香港置業成本不菲,因此事後的裝修,當然能慳則慳!在網絡發達的年代,甚麼也可以透過網購買到,建材也不例外,而且只要家長有意,更可以與這些建材網店溝通,看看如何寄樣本給買家「睇版」。在如此麻煩的步驟背後,究竟可以慳到幾多,不妨參考以下真實案例。

香港買「磚」貴近一半

Erica媽媽在大半年前,因家中有裝修需要,全屋牆壁、地板都需要舖磚,因此便去旺角、觀塘的建材舖咨詢價格,然後也很有系統地把款式、價格記錄起來,再到淘寶格價。她預計全屋需要九款瓷磚,因應數量計算後,發現類似款式的瓷磚,全部在香港購買的話大約是$23,000;而全部在淘寶網店購買則是約$11,000,差價逾一半,而兩者都是不含運費計算。

拎兩次樣版落實交易

格價後的Erica,把心一橫決定網購瓷磚到港後,再找香港師傅裝修。雖然上年也是正值疫情,但Erica直言:「睇版又真係好快,佢(賣家)每款切細細塊畀你,一次過寄曬咁多款每次順豐都係收$50左右運費,大約一星期就收到,我睇咗兩次版之後就決定買。」

而數以噸計的瓷磚,運費比想像中少,Erica指當時只是加了約$1,800人民幣,就已經包由佛山送到家中,因此即使把運費也計算在內,也是比香港買便宜上不少。

集運要留心 好師傅最重要

有這次寶貴經驗的Erica分享,如其他家長也有意淘寶瓷磚,記得一定要評估風險,她指:「預多少少損耗,我自己就預多10%,,最重要嘅係一定一定一定要用佢(賣家)建議既運輸到香港,因為係數以噸計的重量。諗過自己集運,但考慮到集運爛咗賣家未必賠,所以最後都係用佢建議嘅中港運輸。」

即睇裝修前圖片

所有瓷磚到貨後,Erica認為剩下最重要的一步是找個「好手工」的師傅完成工程。因為香港不少師傅都會包建材,從中賺取一筆,因此自購建材有時部分師傅會「詐型」,雖未必會影響工程質素,但自己心理上或許會受到影響。

即睇裝修後圖片