被問是否撐梁振英連任 呂志和︰講政治呀？唔好搞我！
撰文：吳美茸
出版：更新：
銀河娛樂（0027）主席呂志和今早出席公司股東會。（林振東攝）
特首「跑馬仔」開鑼在即，一眾大孖沙是否支持特首梁振英連任，自然成為焦點。較早前形容梁振英「真係好落力」的銀河娛樂（0027）主席呂志和今早出席股東會，無可避免又要答同一條問題！
不過，呂志和今次就明顯「收歛」得多，耍手擰頭話：「你講多句，大家都唔好，雜音太多，畀啲心機做生意，畀啲心機搵錢，搞好經濟，呢個最好！講政治呀？唉！」
呂志和更勸喻：「你專心做記者，又搵到食，又開心，咪得囉！你唔好搞我！」他笑稱：「你問第二樣，我幫你做通宵（訪問）都得。都係少講啲嘢，大家安靜啲。」
當記者問到有無權威人士要求不要說太多，呂志和則斬釘截鐵表示：「無。」